पर्यावरण अभियानी दिलिप महतोलाई शहिद घोषणा गर्न पत्र लेखन कार्यक्रम आरम्भ

न्यूज ब्यूरो, जनकपुरधाम । युथ एसोसिएसन अफ नेपाल–यानले ओम प्रकाश (दिलिप) महतो लाई प्रथम पर्यावरण सहिद घोषणा गराउन पत्र लेखन कार्यक्रमको शुरूवात गरेको छ।

सरकारले स्वफुर्त रुपमा निजलाई प्रथम पर्यावरण सहिद घोषणा नगर्ने भएकोले यानले पत्र लेखन अभियानको थालनी गरेको छ। यस अभियान अन्तर्गत एक लाख पत्र लेखेर सम्माननिय प्रधानमन्त्री समक्ष महतोलाई प्रथम पर्यावरण सहिद घोषणा गराउन माग गरिने भनी यानका प्रवक्ता राजु महतोले जानकारी गराएका छन।

आजको शुभारम्भ कार्यक्रममा ६७ जानाले पत्रमा हस्ताक्षर गरेका छन। आउदो २ महिना भित्र एक लाख पत्र लेख्ने लक्ष्य रहेको जानकारी प्रवक्ता महतोले गराएका छन।

कार्यक्रममा अतिथिको रुपमा वरिष्ठ समाजसेवी सरोज राय, अधिवक्ता विकास ठाकुर र दिलिपकि बहिनी सिर्जना महतो आमन्त्रित थिइन।

कार्यक्रममा प्रवक्ता महतोले घटनाको पुर्ण विवरण सहित यानले यस मुद्दामा अहिलेसम्म गरेका क्रियाकलापहरु प्रस्तुत गरेकी थिइन। दिलिपकी बहिनी आफ्नो दाइलाई सम्झेर भावुक हुँदै महतोलाई पर्यावरण सहिद घोषणा गर्न सरकार सँग माग गरेकी छिन।

समाजिक अभियन्ता सरोज रायले महतोलाई पर्यावरण सहिद किन घोषणा गर्नुपर्छ भने प्रष्ट पार्दै आफुले गरेका पहल समेत प्रष्ट पारेका थिए। साथै आउने दिनमा मधेस प्रदेश सरकार सँग गरिएको सम्झौता कार्यनयनमा आफू जोरसोरले लाग्ने प्रतिवद्धता व्यक्त गरेका छन। २०७८ भाद्र ४ गते चुरे वन संरक्षण अभियानको तर्फ बाट राय प्रतिनिधि बन्दै बुंदा न ४ मा दिलिपलाई पर्यावरण सहिद घोषणा गर्न लिखित सम्झौता गरेका थिए।

त्यस्तै, अधिवक्ता बिकास ठाकुरले उक्त पत्रलेखनको आवश्यकता र औचित्य बारे जानकारी गराएका थिए। अझ जोर्दै स्थानीय तह देखि केन्द्र सम्म महतोलाई सहिद घोषणा गर्न संबंधित निकाय सँग सिफारिस गराउन आग्रह गरेका थिए। साथै यानलाइ दिलिपको मुद्दा मात्रै नसमेटी दिलिपले जुन पर्यावरणको लागि आफ्नो प्राण आहुती दिए, ती पर्यावरण समेतलाई जोगाउन यान सँग अनुरोध गरेका थिए। साथै सरकार समेतले चुरे दोहनमा माफिया तसकरहरु सँग सहकार्य गर्दै हिडेको भन्दै चर्को आलोचना समेत गरेका थिए।