भारत लैजाँदै गर्दा ५ किलो गाँजा बरामद

न्यूज ब्यूरो, जनकपुरधाम । भारत तर्फ लैजाँदै गर्दा लागुऔषध गाँजा बरामद गरिएको छ । धनुषाको जनकनन्दिनी गाउँपालिका वडा नं. २ बल्हास्थितबाट प्रहरीले ५ किलो गाँजा बरामद गरेको हो ।

विहिबार विहान करिब ८ बजेको समयमा झोलामा लिएर भारत जाँदै गर्दा ईलाका प्रहरी कार्यालय खजुरीबाट खटेको गस्ती टोलीले सो गाँजा बरामद गरेको हो ।

झोलामा ५ किलो गाँजा बरामद भएको ईलाका प्रहरी कार्यालय खजुरीका प्रहरी नीरिक्षक राजकुमार भट्टले जानकारी दिए । उनका अनुसार, प्रहरीलाई देख्ने वित्तिकै ब्याग छाडेर युवक भारत तर्फ भागेका थिए ।

झोला फालेर भागेपछि झोला चेकजाँच गर्दा ५ किलो गाँजा बरामद भएको बताउँदै आवश्यक कारवाहीको लागि जिल्ला प्रहरी कार्यालय धनुषामा पठाएको ईन्सपेक्टर भट्टले जानकारी दिए ।