अकालमै ज्यान गुमाएका ठाकुर परिवारलाई गुजारा चलाउन सिलाई मेसिन सहयोग

न्यूज ब्यूरो, जनकपुरधाम । अकालमै मृत्यू भएपछि बिच्चलीमा रहेको एक पीडित परिवारलाई नाई कल्याण परिषदले सहयोग गरेको छ ।

धनुषा जिल्लाको धनुषाधाम नगरपालिका वडा नम्बर ९ बस्ने विक्रम ठाकुरको छोरा प्रमोद ठाकुरको अकाल मृत्यूपछि बिच्चलीमा रहेको उनको परिवारलाई घर चलाउन सिलाई मेसिनसहित खाद्यान्न सहयोग गरिएको हो ।

तीन छोराछोरी र श्रीमति रहेको ठाकुर परिवारलाई हजामहरुको सँगठन नाई कल्याण परिषद् महोत्तरीले नगदसहित खाद्यान्न सहयोग गरेको हो ।

घरमा कमाईको स्रोत अर्को नभएको कारणले गर्दा आर्थिक अवस्था निकै दैनिय रहेको र दैनिक गुजारा चलाउन निकै समस्या भैरहेकोले उसको परिवारलाई राहत स्वरुप खाद्यान्न समाग्री प्रदान गरिएको हो ।

नाई कल्यान परिषद धनुषाको अध्यक्ष चन्देश्वर ठाकुरको अध्यक्षता तथा नाई कल्यान परिषद महोतरीको सहयोगमा मृतक ठाकुरकी श्रीमति गिता देवी ठाकुर हजामलाई सिलाई मेशिन १ थान , चामल ५० किलो, दाल १० किलो र नगद रु. ५००० सहित परिवारको लताकपडा सहयोग गरिएको हो ।