बलात्कार प्रयास आरोपमा जनकपुरबाट एक पक्राउ

न्यूज ब्यूरो ||
जनकपरधाम, ४ बैशाख । जबरजस्ती करणी प्रयासको आरोपमा जनकपुरबाट एक जनालाई प्रहरीले पक्राउ गरेको छ ।

पक्राउ पर्नेमा जनकपुर उपमहानगरपालिका वडा नंं. २४ सोनापारा बस्ने बर्ष ३६ का दिनेश मण्डल रहेको जिल्ला प्रहरी कार्यालय धनुषाले जनाएको छ ।

गत बर्ष चैत्त ३० गते शुक्रवार दिनदहाडै छिमेकमै एक महिलालाई घरमा कोही नभएको मौका छोपी मण्डलले जबरजस्ती करणी प्रयास गरेको भन्दै उजुरीको आधारमा प्रहरीले उनलाई पक्राउ गरेको हो ।

पक्राउ परेका मण्डलले महिलालाई मादक पदार्थ सेवन गरी दिउँसै करिब १ बजेको समयमा जबरजस्ती करणी गर्न खोज्दा महिलाले प्रतिकार गर्दै आवाज लगाएपछि अन्य छिमेकीहरु थाहा पाउँदा उनलाई प्रहरीलाई खवर गरेका थिए ।

यता, मण्डलाई जबरजस्ती करणी प्रयासको मुद्दा चलाइएको छ भने अनुसन्धान अगाडी बढाइएको जनाइएको छ ।