जिससका उपसभापति कुशवाहाको नेतृत्वमा जिल्लामा सञ्चालित परियोजनको अनुगमन

न्यूज ब्यूरो, सर्हाली। सर्लाहीका उपसभापति जितेन्द्र कुशवाहाको नेतृत्वमा जिल्लामा सञ्चालित विभिन्न परियोजनाको अनुगमन गरिएको छ ।

वल्र्ड भिजन इन्टरनेसलको आर्थिक तथा प्राविधिक सहयोगमा वाग्मती सेवा समाज र आरआरपिकेले पर्सा गाउँपालिका र हरिपुर्वा नगरपालिकामा सञ्चालन गरेका विभिन्न परियोजनाहरूको अनुगमन गरिएको हो ।

जिल्लाका हरिपुर्वा नगरपालिका, पर्सा, चन्द्रनगर र ब्रह्मपुरी गाउँपालिकामा अति दयनीय अवस्थामा रहेका बालबालिका, तिनका परिवार र समुदायमा बाल संरक्षण तथा स्पोन्सरसिप, बालमैत्री स्थानीय शासन, उत्पादनशील जीविकोपार्जन तथा पोषण विपद व्यवस्थापन सम्बन्धी आयोजनाहरू कार्यन्वयनमा रहेका छन ।

हरिपूर्वा नगरपालिका तथा पर्सा गाउँपालिकामा विगतमा सञ्चालन भएको विभिन्न तालिम, अति जोखिममा परेको बालबालिकालाई सामाग्री वितरण, पालिका स्तरीय बालमैत्री तथा बाल सञ्जाल गठन, विद्यालय पोषण तथा तालिम, किशोरीहरूलाई प्रजनन सम्बन्धी तालिम, घटना व्यवस्थापन तालिम लगायतका कार्यक्रम सञ्चालनले बालबालिकाका शिक्षा, चेतना लगायत ज्ञानको विकासमा ठुलो मद्दत मिलेको आरआरपिकेका सिकाइ परियोजना संयोजक नागेन्द्र साहले जानकारी दिए ।

अनुगमन कार्यक्रममा बोल्दै जिससका उपसभापति जितेन्द्र कुशवाहा ले राष्ट्रिय तथा अन्तराष्ट्रिय गैरसरकारी सङ्घसंस्थाले यस्ता कार्यक्रम ल्याएर सिकाइने र प्लेटफर्म निर्माण गरिने दिने मात्र हो, यसको निरन्तरता, संरक्षण र सम्बद्र्वनका लागि स्थानीय सरकार र विद्यालयले भूमिका खेल्नुपर्ने सुझाए ।

जिल्लाका अधिकांश जनप्रतिनिधिहरूले भवन तथा सडक निर्माण गरेर विकास गरेको दाबी गरिरहँदा शिक्षा, स्वास्थ्य, समाजिक तथा मानव विकास नभएसम्म समग्र समाज र राष्ट्रको विकास नहुने र यस्ता विकासको कुनै औचित्य नहुने बताए ।

हाम्रो समाजमा विद्यमान बालविवाह, दाइजो प्रथा जस्ता समाजिक कुरीति तथा कुसंस्कारका कारण किशोरीहरू उच्च शिक्षाबाट बञ्चित हुँदै आएका छन । बल्र्ड भिजनले सञ्चालनका गरेका यस्ता कार्यक्रमबाट यस्ता कुरीति र कुसंस्कारको रोकथाम तथा नियन्त्रण गर्न ठुलो मदत मिल्ने बताए ।

दाइजो तथा बालविवाहका कारण गरिब, दलित तथा विपन्न समुदायका बालबालिकाहरू उच्च शिक्षाबाट बञ्चित हुँदै आएको र यो एउटा ठुलो चुनौतीका रुपमा रहेका कारण बालविवाह गर्नेलाई समाजिक बहिष्कार गरी भोजभतेर कार्यक्रममा समेत सहभागिता नहुन र उनिहरुलाई कानुनी दायरमा ल्याउन जनप्रतिनिधिहरूलाई आग्रह समेत गरे ।

कार्यक्रममा सहभागि

बालबालिकाले यस्ता तालिम तथा कार्यक्रमहरुबाट हामी निकै नै प्रभावित भएको र अगामी दिनमा पनि यस्ता कार्यक्रमहरुको निरन्तरताका लागि अपिल गरे ।

जिल्ला स्तरीय अनुगमनमा जिल्ला प्रशासन कार्यलय सर्लाहीका प्रमुख थानेश्वर गौतम, जिल्ला प्रहरी कार्यलय सर्लाहीका प्रमुख प्रविण पोखरेल, जिल्ला समन्वय समिती, सर्लाहीका उप सभापति जितेन्द्र कुमार कुशवाहा, आरआरपिके को अध्यक्ष गायत्री महतो, वागमती सेवा समाज नेपाल, सर्लाहीका अध्यक्ष भरत कुमार कार्की, श्री जनता मावि पर्साका प्रअ राजकिशोर राय, वडा ५ का वडाध्यक्ष अनिल कुमार यादव, बाल सञ्जाल तथा संगठनमा आबद्व किशोरकिशोरी, जनप्रतिनिधि लगायत संचारकर्मीहरुको उल्लेखनिय सहभागिता रहेको आयोजकले जनाएको हो ।