धनुषामा पोखरीमा डुबेर एक बालकको मृत्यू

न्यूज ब्यूरो, जनकपुरधाम । मधेश प्रदेशको धनुषा जिल्लास्थित पोखरीमा डुबेर एक बालकको मृत्यू भएको छ ।

धनुषा जिल्लाको धनुषाधाम नगरपालिका वडा नम्बर २ मखनपुरस्थित विहिबार दिउँसो पोखरीमा नुहाउन गएका स्थानीय भोला मण्डलको ४ बर्षिय छोरा अनिश कुमार मण्डलको मृत्यू भएको छ ।

त्यहाँस्थित रहेको मखनबाबा पोखरी कुटिस्थित पोखरीमा विहिवार दिउँसो ४ः१५ को समयमा साथीहरु संग खेल्दै पोखरीमा नुहाउन जाँदा डुबेर मृत्यू भएको वडाध्यक्ष लक्ष्मी साहले जानकारी दिए ।

डुबेर मृत्यू मृत्यू भएका बालकको शवलाई पोष्टमार्टमको लागि प्रादेशिक अस्पताल जनकपुरधाम पठाएको जिल्ला प्रहरी कार्यालय धनुषाले जनाएको छ ।