टाईपिङ मिस्टेकले पढन असजिलो भयो, यसलाई समान्य रुपमा लिइदिनुसः उपाध्यक्ष मण्डल

न्यूज ब्यूरो, जनकपुरधाम । धनुषाको धनौजी गाउँपालिकाकी उपाध्यक्ष रामवति देवी मण्डलले नीति तथा योजना सार्वजनिकीकरण गरेकी हुन् ।

सार्वजनीकिकरणको क्रममा योजनाहरुको नाममा टाईपिँग भूल भएको कारण पढन असजिलो भएको भन्दै यसलाई समान्य रुपमा लिइदिन आग्रह गरेकी छन् ।

सोमबार सम्पन्न नगरसभाको क्रममा गाउँपालिका उपाध्यक्ष मण्डलले गाउँपालिका स्तरीय, वडास्तरीय योजनाहरुको नाम तथा बजेटीकरण सम्बोधन गर्दै गर्दा केही ठाउँमा शब्दमा गडबड भएपछि आलोचना भएको थियो ।

केही जनाले समाजिक सँजालमा उपाध्यक्ष मण्डलले राम्ररी नपढेको भन्दै आलोचना गरेपछि उनले यसलाई समान्य रुपमा लिनको लागि आग्रह गरेकी छन् ।

गाउँपालिकाको कर्मचारीबाट सम्पादन भई आएको योजनाहरुको नाममा हर्ष, दीर्घ तथा केही शब्दहरुमा मिस्टेक भएको भन्दै उनले सोही अनुसार पढेपछि शब्द बुझाईमा असर परेको थियो ।

सयौँ योजनाहरुको त्रममा दुईटा योजनाको नाममा शब्द उच्चारणमा गलती भएको स्वीकार गर्दै उपाध्यक्ष मण्डलले यसलाई सहज रुपमा लिइदिन आग्रह गरेकी हुन् ।

सानोतिनो कुरालाई बहसको बिषय नबनाउन आग्रह गर्दै उनले आगामी दिनमा कर्मचारीबाट आउने योजनाहरुको नाम, अन्य सम्बोधनहरुमा ध्यानपूर्वक खेस्रा पढेपछि मात्र सार्वजनिक स्थानमा सम्बोधन गर्ने बताइन् ।

धनौजी गाउँपालिकाको नगरसभा सर्वसहमतिले सम्पन्न भएको छ । कर्मचारीलाई गाउँ कार्यपालिकाको कार्यालयले अख्तियारी दिएपछि योजनाहरु उपर कामकारवाही सुरु गरिने जनाइएको छ ।