अनलाइन फुड डेलिभरी भोजमाण्डू रिब्राण्डिङ हुँदै

न्यूज ब्युरो, काठमाडौँ । अनलाइन फुड डेलिभरी कम्पनी भोजमाण्डूले आफूलाई रिब्राण्डिङ गर्ने भएको छ । रिब्रान्डिङ गर्दै कम्पनीले पहिलो चरणमा नयाँ लोगो सार्वजनिक गरेको छ ।

छिट्टै भोजमाण्डूले आफ्नो सेवामा अझ सुधार र गुणस्तरमा विशेष ध्यान दिएर अगाडि बढ्ने भोजमाण्डुका संस्थापक सुनिल यादवले बताए ।

यससँगै भोजमाणडू एपमा पनि धेरै आकर्षक फिचरहरू पनि आउने कम्पनीले जानकारी दिएको छ ।

अहिले भोजमाण्डूले काठमाडौँमा बिहान ११ बजे देखि राति २ बजेसम्म सेवा प्रदान गरिरहेको छ ।

अब छिट्टै बिहान १० बजे देखि राति ३ बजेसम्म सेवा विस्तार गर्ने योजना रहेको संस्थापक यादवले जानकारी दिए ।