सोमबारी मेलामा क्षीरेश्वरका मेयर यादवले श्रद्धालुलाई स्वागत गर्ने

न्यूज ब्यूरो, जनकपुरधाम । धनुषाको क्षीरेश्वरनाथ नगरपालिकाका मेयर सुखदेव यादवले सोमबारे मेलामा आउने श्रद्धालुलाई स्वागत गर्ने तयारीमा लागेका छन् ।

सोमबार सो क्षेत्रमा प्रसिद्ध रहेको क्षीरेश्वरनाथ मन्दिरमा अवलोकन गर्दै मेयर यादवले हिन्दुपरम्परागत श्रावणमा महादेवमंठमा मन्दिरमा भक्तजनको घुँईचो लाग्ने गरेको हुँदा मेलामा यसपाली श्रद्धालुलाई स्वागत गर्ने बताएका छन् ।

अनुगमन गर्दै मेयर यादवले महादेव मंठमा हजारौं हजार भक्तजन गाउँ–गाउँ बाट आउने गर्दा यहाँका व्यावसाय, श्रद्धालु, काँवरिया, महिला श्रद्धालुलाई व्यवस्थित गर्न सबै पक्षलाई निर्देशन दिएको हो ।

सरसफाई लगायतका कामहरुलाई कसरी अगाडि बढाउने बारे समेत अनुगमन गरिएको नगर प्रमुख यादवले बताए ।

निःशुल्क स्वास्थ्य शिविर ,सुरक्षा निकायको कडा निगरानी दृष्टिकोणले प्रहरी परिचालन लगायतको व्यवस्था गर्ने बताए ।

अनुगमन गर्न वडा नं ७ का अध्यक्ष नथुनी कवाडी ,युवा नेता अनिल चौधरी ,लगायत स्थानीयहरुको उपस्तिथि रहेको थियो ।