न्यूज ब्यूरोको प्रभावः महोत्तरीको लोहारपट्टिबाट हटाइयो 'छोटा पाकिस्तान'

न्यूज ब्यूरो, जनकपुरधाम । मधेश प्रदेशको महोत्तरी जिल्लास्थित गुगल म्यापमा राखिएका छोटा पाकिस्तान भन्ने लोकेशन आजै हटाईएको छ ।

महोत्तरीको लोहारपट्टिस्थित एक मस्जिदको नाम “छोटा पाकिस्तान” राखिएकोमा आजै नक्साबाट हटाईएको छ । न्यूज ब्यूरोले मँगलबार मधेश प्रदेशको महोत्तरीमा 'छोटा पाकिस्तान' नामक शिर्षकको समाचार राखेपछि सो छोटा पाकिस्तान दिउँसै हटाइएको हो

मधेश प्रदेशको राजधानी जनकपुरधाम क्षेत्रदेखि लगत्तै रहेको महोत्तरीको लोहारपट्टिस्थित “छोटा पाकिस्तान” भनेर ठाउँ अँकित गरिएको थियो ।

गुगल नक्सामा महोत्तरीको “लोहारपट्टि” खोजी गर्दा सोही स्थानमा “छोटा पाकिस्तान” भनेर देखाउँदै आएकोमा न्यूजब्यूरोमा समाचार आएपछि सो लोकेशन नक्साबाटै हटाइएको हो ।

लोहारपट्टि चोकदेखि पूर्व जाँदै गर्दा बीचमा जामा मस्जिद र सोही जामा मस्जिदेखि पनि पूर्व छोटा पाकिस्तान भनेर एक मस्जिदको नामाकरण गरिएको थियो ।

सो लोकेशनमा “एमडी आलम” भनेर पनि चिन्हित गरिएकोमा जनकपुरधाम जस्तो साँस्कृति क्षेत्र लगत्तै नामाकरण गरिएको छोटा पाकिस्तान समाचारमा आएपछि समाजिक सँजालमा समेत तरँग भएको थियो ।

त्यहाँस्थितको मुस्लिम समुदायले एक मस्जिद क्षेत्रकै नाम छोटा पाकिस्तान राखिदिएको थियो । पाकिस्तान मुस्लिम बाहुल्यता एक तेस्रो मुलुक हो ।