सिरहामा सशस्त्रको एसपी थापाको अझै परिचालन छ घुमुवा, यी तस्करहरुलाई दिन्छन् लाईन !

न्यूज ब्यूरो, सिरहा । सशस्त्र प्रहरीले सबै घुमुवा फिर्ता बोलाउँदा पनि मधेश प्रदेशको सिरहाका सशस्त्र प्रहरीका एसपी रमेश थापाले अझै घुमुवा परिचालन गरी व्यापारीहरुलाई लाईन दिने गरेका छन् ।

सिरहाका सशस्त्र प्रहरीका एसपी थापाले केही घुमुवा प्रहरी परिचालन गरी भारतबाट भन्सार छली गरी ल्याउने लाखौँको समानको लागि व्यापारी र तस्कहरुलाई लाईन दिएको खुलेको छ ।

सिरहाको विभिन्न नाकाबाट भन्सार छलीका समानहरु पास गराउने जिम्मा पाएका सशस्त्रका एसपीका घमुवा राजु भनिने राम प्रवेश रायले जिल्लाभरिको तस्करको कमान सम्हाल्छन् ।

सिरहाको माडर नाका, बरियारपट्टि नाका, ईट्टाटार नाका, बडहरी नाका र ठारी नाकाबाट तस्करहरुलाई लाईन दिए वापत प्रत्येक तस्करहरुसँग मासिक असुली गर्ने गरेको खुलेको छ ।

सिरहाको माडर नाकाबाट नामुद तस्कर मानिने देवन, रामसेवक र प्रमोदलाई रातीको लाईन खुल्ला गरेको छ भने बरियारपट्टि नाकाबाट बिजय, नथुनी र महेन्द्र जस्ता तस्करलाई लाईन दिएको छ ।

यस्तै ईट्टाटार नाकाबाट एसपीको आदेशमै मनिकलाल, सिरिलाल, प्रदीप र बन्ठालाई लाईन दिएको छ । लाईन दिए वापत उनीहरुसँग हजारौँ रुपैयाँ महिनबारी लिने गर्छन् ।

बडहरी नाकाबाट भगवन लाल मात्र एक नामुद तस्करको रुपमा चिनिन्छन् । उनको माहतहका अन्य तस्करहरुलाई लाइन दिन्छन् र यसको सुरक्षा भने एसपीका घुमुवा राजुले मिलाउने गर्छन् ।

नवराजपुर नाकाबाट अमित, आलोक र राधव, सँजय, कृष्णा र अभिषेक जस्ता व्यापारी तस्करको बोलबाला छ भने ठारी नाकाबाट अशोक, कृष्ण, सदाम, पिँकी, बासुकी र पवनको समान सशस्त्र प्रहरीले भित्र्याउँछन् ।

कुनै बेला सिरहाबाट करोडौँ राजस्व उठने गरेकोमा अहिले सशस्त्र प्रहरीले तस्करहरुलाई भन्सार छलीको समान सहजै पास गराउन थालेपछि भन्सार राजस्वमा गिराबट आएको छ ।

सशस्त्र प्रहरीको प्रधान कार्यालयले बोर्डर क्षेत्रमा घुमुवामा रहेको प्रहरीहरुलाई फिर्ता बोलाएपनि सिरहामा सशस्त्रका एसपी रमेश थापाले राजुसहित लालु यादव, सोनु ठाकुर र पूर्णदेव महतो जस्ता घुमुवा प्रहरी परिचालन गरी तस्करहरुलाई लाइन दिने गरेको छ ।

यता, यस सन्दर्भमा सिरहाका एसपी रमेश थापासँग उनको मोबाईल नम्बर ९८५१२७२०१०५ मा सम्पर्क गर्दा सम्पर्क भने हुन सकेनन् ।