जिल्लामै गणेशमान चारनाथ नगरपालिकामा पहिलो सार्वजनिक जिमखाना सँचालनमा

न्यूज ब्यूरो, जनकपुरधाम । धनुषाको गणेशमान चारनाथ नगरपालिकाका नव निर्वाचित मेयर उपमेयरद्वारा जिम सेन्टर उद्घाटन गरिएको छ ।

गणेशमान चारनाथ नगरपालिका वाडा नम्बर ६ मा जिम हल उद्घाटन गरिएको छ ।

सो उद्घाटन गर्दै मेयर जितनारायाण यादवले अहिले शारीरिक व्याम गर्नु पर्ने आवश्यक रहेकोले जिम हल उद्घाटन गरिएको बताए। उनले स्थानीय बासिन्दामा ठूलो लाभ हुने बताए ।

सो जिम सेन्टर बनाउन वडा नं ६ बाट १० लाख र नगरबाट ५ लाख गरि करिब १५ लाख लागतमा जिम हल निर्माण गरिएको छ । सो हलमा कम्तिमा ५० जनाले एकै पटकमा शारीरिक व्याम गर्न सक्ने क्षमता रहेको छ ।

उपप्रमुख तुलसा पाण्डे पटेल जिम हल भित्र रहेका विभिन्न ब्याम मेशिनहरु चलाई स्थानीय बासिन्दाहरु सहि सदुपयोग गर्न आग्रह समेत गरे अझै मेशिनहरु बिस्तारै व्यवस्थापन गर्न आग्रह गरिन् ।

नगरभरिमा विभिन्न कार्यहरु लाई प्राथमिकतामा राखी काम गर्ने मेयर यादवले बताए ।

सोअ कार्यक्रममा वडा नं ५,६,७,८ का अध्यक्ष तथा स्थानीयहरुको उपस्थिति रहेको थियो ।