घरबाट ननिस्कने बन्धनलाई तोडदै सीप सिक्न काठमान्डौँ निस्किन दलित युवतिहरु

न्यूज ब्यूरो, जनकपुरधाम । मधेशको सीमान्तकृत समुदायको बन्धनलाई तोडदै सीप सिक्नको लागि युवतिहरु काठमान्डौँ निस्केकी छन् ।

परिवारिक गुजारा र स्वरोजगार गर्ने उदेश्यले सीप सिक्न दलित युवतिहरु काठमान्डौँको लागि रबाना भएकी छन् ।

मधेश प्रदेशको सर्लाही जिल्लाको दलित वस्तीबाट युवतिहरुलाई स्वरोजगार बन्न ६ महिने सिलाई कटाई तालिममा सहभागी गराउन अभियन्ता पचु माझीले पहल गरेपछि उनीहरु काठमान्डौँ पुगेकी हुन् ।

“गाउँ देहातको झुपडीबाट पुरानो लाउने कपडा बोकी नेपालको राजधानी काठमाडौं निस्केका दलित युवतीहरू”– भन्दै अभियन्ता माफीले समाजिक सँजालमा भावुक तस्विर पोष्ट गरेका छन् ।

घरबाट न निस्क्ने बन्धनलाई तोडदै ६ महिना काठमाडौंमै बसी सिलाई, जीवन उपयोगी सीप, भाषा तथा सहरको बसाई सिक्ने मनसायले युवतिहरु काठमान्डौँ हिडेकी हुन्

काठमाडौं जस्तो ठाउँमा कला, ज्ञान र व्यवहार परिवर्तनका कुराहरू सिक्नको लागि लिलि लिभ्स सोसियल ईन्टरप्राईजेजले अवसर दिएको बताईएको छ ।

युवतिहरुलाई बस्ने, खानेसहित सिलाई कटाई तालिम पूर्णतः निःशुल्क हुने जनाइएको छ । ६ महिने तालिम पश्चात उनीहरु स्वरोजगार गरी परिवारमा आर्थिकोपार्जन गर्न सक्ने गरी क्षमता बटुल्ने विश्वास लिइएको छ ।