गोडैता नगरपालिकाकै कान्छो वडाअध्यक्ष महतोले गरे व्यक्तिगत घटना दर्ता निशुल्कको निर्णय

न्यूज ब्यूरो, सर्लाही । सर्लाहीको गोडैता नगरपालिका वार्ड न। १ नव निर्वाचित नगरकै कान्छो वडाअध्यक्ष सोजित महतो ले पदभार ग्रहण गरेको छ ।

वडाअध्यक्ष महतो आज एक कार्यक्रमका बीच पदभार ग्रहण गर्दै व्यक्तिगत घटना दर्ता शुल्क मिनाहा गरिने पहिलो निर्णय गरेको छ ।

नेकपा माओवादी केन्द्र का मेयर प्रत्याशी अनिता देवी यादव को प्रमुख आतिथ्यतामा महतो ले आज एक कार्यक्रमका बिच पदभार ग्रहण गरेको हो ।

स्थानीय स्तरमा अधिंकाश नागरिकहरु गरिबीको उच्च रेखामुनि रहेका कारण व्यक्तिगत घटना दर्ता निशुल्क गरिने घोषणा गरेको वडाअध्यक्ष महतोले बताए ।

आर्थिक अवस्था कमजोर भएका नागरिकहरु प्रत्यक्ष रुपमा लाभान्वित हुने र उनीहरुको जिवन सहज हुने अपेक्षा गरेको बताए । यहाँका विधालयका अवस्था समेत दयनिय भएका कारण शिक्षालाई पहिलो प्राथमिकता राखेर निस्वार्थ रुपमा काम गर्ने प्रतिबद्धता समेत व्यक्त गरे ।

नवनिर्वाचित वडाअध्यक्षलाई स्थानीयवासी, जनप्रतिनिधि तथा शुभचिन्तकले अबिर, फुलको माला तथा गमछा ओढाएर स्वागत गर्नुको साथै सफल कार्यकालको कामना समेत गरे ।

वडासचिव अनिल कुमार गुप्ता ले संचालन गरेको कार्यक्रममा गोडैता नगरपालिकाका नेकपा माओवादी केन्द्रका मेयर प्रत्याशी अनिता देवी यादव, वडा नम्बर २ का वडाअध्यक्ष अजय प्रसाद कुशवाहा, बहादुरपुर प्रहरी चौकी का प्रतिनिधि सन्तोष गिरी, बिओपी बहादुरका ईन्चार्ज बिदिया भुषण झा, वाईसिएलका गोडैता नगरअध्यक्ष विजय कुशवाहा लगायत स्थानीयवासीहरुको उल्लेखनीय सहभागीता रहेको थियो ।