कमला नगरपालिकामा ५ वटा वडाको योजनाहरुको सार्वजनिक सुनुवाई सम्पन्न

न्यूज ब्यूरो, जनकपुरधाम । धनुषाको कमला नगरपालिकामा शनिबार ५ वटा वडाको लागि योजनाहरुको सार्वजनिक सुनुवाई कार्यक्रम सम्पन्न भएको छ ।

कमला नगरपालिका वडा नम्बर १, २, ३, ४ र ९ को लागि वडा नं. ३ को लगमा बजारस्थित योजनाहरुको सार्वजनिक सुनुवाई सम्पन्न भएको हो ।

लगमा बजार क्षेत्रमा नगर सार्वजनिक सुनुवाई कार्यक्रम सम्पन्न भएको हो । आयोजना गरिएको नगरपालिकाको वडा नम्बर १, २, ३, ४ र ९ को योजनाहरुको सार्वजनिक सुनुवाई कार्यक्रम सम्पन्न भएको हो ।

शनिवार दिउँसो २ बजेदेखि सुरु भएको सार्वजनि सुनुवाई साँझ करिब ७ बजेसम्म सँचालन भएको आयोजकले जनाएको छ ।

कमला नगरपालिकाको आयोजना तथा समाजिक सँस्था दुधमति मिडियाको समन्वयमा पाँच वटा वडाको नागरिकलाई भेला गरी योजनाहरुको सार्वजनिक सुनुवाई कार्यक्रम गरेको हो ।

विभिन्न वडाबाट आएका जनप्रतिनीधि, नागरिक समाज, अगुवा, राजनीतिक दलका प्रतिनीधिहरुको रोहबरमा सम्पन्न सार्वजनिक सुनुवाई कार्यक्रममा जनप्रतिनीधिहरुसँग जनताहरुले सीधा सबाल जवाफ गरेको थियो ।

सो क्रममा उपस्थित जनप्रतिनीधिहरुले नागरिकको गुनासो, समस्या टिपोट गरी जवाफ फर्काएको थियो । त्यसअघि विगतको आर्थिक बर्षहरुको आय व्यय सार्वजनिकीकरण, योजनाहरुको सहित चालु आर्थिक बर्षको योजनाहरुको बारेमा समेत नागरिकलाई सुनाइएको थियो ।

कमला नगरपालिकाले पाँच बर्षमा प्रथम पटक सार्वजनिक सुनुवाई कार्यक्रम गरेको हो । यसअघि दुई पटक सार्वजनिक सुनुवाई कार्यक्रम गरेको शहिदनगर नगरपालिकाले यसपाली पनि सार्वजनिक सुनुवाई गरेको हो ।

कार्यक्रममा उपस्थित नागरिक समाज, शिक्षक, समाजसेवीहरुले समय समयमा सार्वजनिक सुनुवाई गर्ने कमला नगरपालिका पहिलो नगरपालिका रहेको भन्दै प्रशँसा गरेको थियो ।

सार्वजनिक सुनुवाई कार्यक्रमको प्रत्यक्ष प्रसारण जनकपुरधामस्थित जानकी टेलिभिजन एचडीबाट समेत गरिएको आयोजकले जनाएको छ ।

कार्यक्रममा वडा नं. १ का वडाध्यक्ष राजकुमार यादव, वडा नम्बर २ का वडाध्यक्ष धनेश्वर यादव, वडा नं. ३ का वडाध्यक्ष विशेश्वर यादव, वडा नम्बर ४ का वडाध्यक्ष पल्टु कवारी, वडा नं. ९ का वडाध्यक्ष धर्मनाथ मण्डल, समाजसेवी बौयैलाल यादव, माओवादी केन्द्रका स्थानीय नेता सुरेश कापर, नेपाली काँग्रेसका मनोज साह, ईन्द्रजीत गोईत, रुपेश यादव लगायत स्थानीय जेष्ठ नागरिक, महिला, विद्यार्थी, युवाहरुको सहभागीता रहेको थियो ।