धनुषामा मोसाको ठक्करले महिला गम्भिर, आइसियूमा भर्ती

न्यूज ब्यूरो ||
जनकपुरधाम, १९ चैत्त । धनुषामा मोटरसाईकल दुर्घटनामा परी एक महिला गम्भिर घाईते भएकी छन् ।

धनुषाको शहिदनगर नगरपालिका वडा नं. ९ केउटानी बस्ने बर्ष ६५ की रेशमा देवी मण्डललाई आईतबार साँझ मोटरसाईलले ठक्कर दिएपछि गम्भिर घाईते भएको ईलाका प्रहरी कार्यालय यदुकूहाका ईन्चार्ज पवन झाले न्यूज ब्यूरोलाई बताए ।

यदुकुहाबाट गोठकयलपुर जाने कालोपत्रे सडकमा तीव्र गतिमा रहेको ज ६ प २३३० नम्बरको मोटरसाईकले ठक्कर दिँदा मण्डल गम्भिर घाईते भएपछि उपचारको लागि विराटनगर लगिएको झाले बताए ।

ठक्कर दिने मोटरसाईकल तथा मोटरसाईकल चालक स्थानीय रुपनारायण साफीलाई प्रहरीले नियन्त्रणमा लिएको जनाइएको छ ।

ठक्कर दिएर भागेका साफीलाई आज ईलाका प्रहरी कार्यालय यदुकुहाले नियन्त्रणमा लिएको हो ।