धनुषामा मृत भेटिए एक पुरुष, श्रीमति प्रहरी हिरासतमा

न्यूज ब्यूरो ||
जनकपुरधाम, १८ चैत्त । धनुषामा आज विहानै एक पुरुष मृत अवस्थामा भेटिएको छ ।

धनुषाको क्षीरेश्वरनाथ नगरपालिका वडा नं. ९ ईच्छापुर बस्ने राजेन्द्र भण्डारीका ५० बर्षिय छोरा राम सरोज भण्डारी आफ्नै दैलो (आँगन) मा मृत अवस्थामा फेला परेको हो ।

राती खाना खाएर सुतेका भण्डारी विहान आफ्नै दैलोमा मृत अवस्थामा भेटिएपछि मृत्यू रहस्यमय भएको हो ।

बारम्बार आफ्नी पत्नीसँग झगडा हुँदै आएका भण्डारी राती खाना खाएपछि घरमै सुते पनि विहान दैलोमा मृत अवस्थामा भेटिएपछि छिमेकीले प्रहरीलाई खवर गरेका थिए ।

यता, छिमेकीहले झगडाकै कारण आफ्नै श्रीमानलाई केही खुवाएर मारेको हुन सक्ने आँशकाको आधारमा मृतका पत्नी तेतरी देवीलाई प्रहरीले आफ्नो नियन्त्रणमा लिएको छ ।

मृतक भण्डारीको लासलाई जनकपुर अञ्चल अस्पतालमा ल्याइएको छ भने उनका पत्नी तेतरी देवीलाई हिरासतमा राखी सोधपुछ गरिरहेको छ ।

घटना रहस्मय भएको भन्दै यसको बारेमा थप जानकारी आउन बाँकी छ ।