धनुषाको धनौजी गाउँपालिकामा लोसपाबाट जीवेन्द्र झा अध्यक्ष पदमा उम्मेदवार सिफारिस

न्यूज ब्यूरो, जनकपुरधाम । आगामी बैशाख ३० गते हुने भनिएको स्थानीय तहको निर्वाचनको लागि विभिन्न दलहरुले उम्मेदवार सिफारिसलाई तिव्रता दिएको छ ।

सोही क्रममा धनुषाको धनौजी गाउँपालिकामा लोकतान्त्रिक समाजवादी पार्टी (लोसपा) ले गाउँपालिका अध्यक्ष उम्मेदवारको लागि जीवेन्द्र झालाई सिफारिस गरेको छ ।

लोकतान्त्रिक समाजवादी पार्टीका सक्रिय युवा नेता जीवेन्द्र झालाई पार्टीले गाउँपालिका अध्यक्षको लागि सिफारिस गरेको हो ।

गत चैत्त २५ बसेको पार्टीको बैठकबाट धनौजी गाउँपालिकाबाट लोसपाको मेयरमा झालाई सिफारिस गरेको हो ।

को हुन जिवेन्द्र झा ?

जिवेन्द्र झा मधेस पहिलो तथा दोस्रो आन्दोलनमा होमिएका युवा तथा क्रान्तिकारी आन्दोलनकारी हुन । उनी समाजमा हरेक दुख पिडामा जनता बिच रहेको आफ्नो क्षेत्रमा समर्पित युवा नेता हुन् ।

गत चुनावमा झिनो मतान्तरले पराजित भएका झाको पार्टीमा लगानी र जनतामा उनको क्रियाकलापलाई मूल्याँकन गर्दैै उम्मेदवार सिफारिस गरेको हो ।