जनकपुरः खेतमा बच्चा छोपिएको अवस्थामा मृत फेला

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामदेखि केही दुरीमा रहेको धनुषाधामस्थित एक बच्चा मृत फेला परेका छन् ।

धनुषाको धनुषाधाम नगरपालिका वडा नम्बर ३ धनुषाधामस्थित रहेको नालामा एक बच्चा मृत अवस्थामा फेला परेको प्रहरीले जनाएको छ ।

धनुषाधाम नगरपालिका वडा नम्बर ३ धनुषाधाम बजार र तेजनगरको बीचमा रहेको साँगुरो नदी तथा सार्वजनिक धर्मशाला भन्दा पूर्व अन्दाजी ४ महिनाको बच्चा फेला परेको हो ।

स्थानीय बाबुराम चौहानको खेतमा विहिबार दिउँसो करिब १ः३० बजेको समयमा स्थानीयहरुले देखेपछि प्रहरीलाई खवर गरेको थियो ।

बच्चालाई मृत अवस्थामा फालिएको देखेपछि स्थानीयहरुले छर छिमेक सहित प्रहरीलाई जानकारी गराएको थियो । ईलाका प्रहरी कार्यालय धनुषाधाम पनि नजिकै रहेको छ ।

बच्चालाई खेतको आलीमा राखिएको कुन्यूमा छोपेको अवस्थामा देखेपछि प्रहरीलाई खवर गरेको थियो । बच्चा छोरी हुन । उनलाई कुन्यूमा छोपिएको अवस्थामा बेबारिसे फेला परेको हो ।

घटनाको जानकारी पाएलगत्तै घटनास्थल पुगेको इलाका प्रहरी कार्यालय धनुषाधामको टोलीले बच्चालाई पोष्टमार्टमको लागि प्रादेशिक अस्पताल पठाएको हो ।

बच्चाको मृत्यू कसरी भएको वा कसले फालेको बारे प्रहरीले अनुसन्धान सुरु गरेको प्रहरीले जनाएको छ ।