सिरहाको लहानमा टाईमबम विस्फोट, १ बालक सहित ६ घाईते

न्यूज ब्यूरो ||
सिरहा : सिरहाको लहानमा बम विस्फोट भएको छ ।

आज दिउँसो करिब १ बजेतिर लहानको चोकदेखि बजार एरिया जाने बाटोमा रहेको एक सुनचाँदी गहनाको पसलमा बम विस्फोट भएको जिल्ला प्रहरी कार्यालय सिरहाका प्रहरी उपरीक्षक एसपी शेखर कोईरालाले न्यूज ब्यूरोसँग भने ।

विस्फोटमा परी एक बालक सहित ४ महिला र एक पूरुष घाईते भएका छन्, घाईतेहरुको अवस्था समान्य रहेको छ भने स्थानीय सप्तऋषि अस्पतालमा उनीहरुको उपचार भईरहेको कोईरालाले थपे ।

प्रेसर कुकरमा टाईम बम विस्फोट गराएको दाबी गर्दै एसपी कोईरालाले को र कुन उदेश्यले बम विस्फोट गराएको बारे अनुसन्धान थालिएको बताए ।

बम विस्फोट भएको ठाउँबाट कुनै प्रकारको पर्चा वा पम्पलेट नभेटाएको भन्दै कसले र किन बम विस्फोट गराएको हो भन्ने बारे जानकारी हन सकेको छैनन् ।

घटना बारे अनुसन्धान तीव्र थालिएको एसपी कोईरालाले बताए ।