जनकपुरः तीव्र गतिमा रहेको ट्रयाक्टर पुलमा खस्यो

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामदेखि लगत्तै रहेको धनौजीमा ट्रयाक्टर पल्टेर नदीमा खसेको छ ।

धनुषा जिल्लाको धनौजी गाउँपालिका वडा नम्बर २ गौरहदाहास्थित तीव्र गतिमा गईरहेको ट्रयाक्टर पल्टेर सोही ठाउँमा रहेको नदीमा खसेको स्थानीयहरुले जनाएका छन् ।

बिहान करिब ५ बजेको समयमा धनुषाको लखौरीबाट परवाहा जाने क्रममा अधिक स्पीडका कारण दुर्घटना भएको स्थानीयहरुले जनाएका छन् । प्रत्यदर्शीहरुका अनुसार, ट्रयाक्टर एक बालक चलाउँदै थिए ।

अन्दाजी १६ बर्षिय एक बालकले चलाएको सो ट्रयाक्टर तीव्र गतिमा परवाहा तर्फ गईरहँदा सोही ठाउँमा रहेको कलभर्ट पूलमा पल्टिएर नदीमा खसेको प्रत्यक्षदर्शीहरुले जनाएको छ ।

सो दुर्घटनामा कुनै मानवीय क्षति भने नभएको ईलाका प्रहरी कार्यालय औरहीले जनाएको छ । ट्रयाक्टर अझै नदीमै रहेको बताइएको छ ।