जनकपुरमा विहानै लास फेला, दुर्घटनाको अनुमान

जीतेन्द्र कुमार राम ||
जनकपुरधाम ८ चैत्त। प्रदेश २ को अस्थायी राजधानी जनकपुरमा एक जनाको लास भेटिएको छ ।

जनकपुर उपमहानगरपालिका वडा नं. ९ पीडारीचोक स्थित विहान करिब ६ बजे एक पुरुषको लास भेटिएको हो ।

नाम, थर र वतन नखुलेको एक अन्दाजी ४५/५० बर्षको व्यक्ति मृत अवस्थाम भेटिएको छ।

बिहान मोर्निङ्ग वाकको क्रममा कुनै गाडिले ठक्कर दिएको हुन सक्ने प्रहरीको अनुमान छ ।

मृतकको स्थानबाट मोटरसाईकलको साईड लाईटका सिसाहरुको टुक्रा समेत भेटिएको छ ।

स्थानीय बासिन्दाका अनुसार उक्त मृत व्यक्ति जनकपुरको सरस्वतीटोल निवासी जानकी रमणलाल कर्ण रहेको बताएकाछन् ।

तर प्रहरी आफूलाई मृतक को हो भनी सहि प्रमाण फेला न परेको र अनुसन्धान जारी रहेको बताएकोछ ।

मृतकलाई अहिले पोष्टमार्टमकालागी जनकपुर अञ्चल अस्पतालमा लगिएको छ ।