वडाध्यक्षको मृत्यूपछि परिवारजनलाई धनुषाधाम नगरपालिकाद्धारा ५ लाख सहयोग

न्यूज ब्यूरो, जनकपुरधाम । धनुषाको धनुषाधाम नगरपालिका वडा नम्बर ६ का वडा अध्यक्ष बन्देबहादुर मोक्तानको असमायिक मृत्यूपछि परिवारजनलाई नगरपालिकाबाट ५ लाख रुपैयाँ हस्तान्तरण गरिएको छ ।

कोभिड–१९ कोराना भाईरस लहरमा कोभिड कारण मृत्यु भएका वडा अध्यक्षको मृत्यु भएको कारण औषधि खर्च वापत नगरपालिकाले परिवारजनको आर्थिक सहयोग बापत ५ लाखको चेक परिवारजनलाई कार्यपालिकाबाट निर्णय गरेर दिएको नगरप्रमुख बालेश्वर मण्डलले बताएका।

नगरपालिकाले यो औषधि खर्च बापत आर्थिक सहयोग गरिएको प्रती परिवारजनले नगरपालिका प्रती हार्दिक अभार र ठूलो सहयोग भएको भन्ने बताए ।

वडाध्यक्ष मोक्तानको असमायिक मृत्यूपछि उनको परिवारजनको हेरचाह पनि नगरपालिकाको जिम्मा रहेको बताउँदै मेयर मण्डलले औषधी उपचार खर्चको लागि तत्काल ५ लाख रुपैयाँ हस्तान्तरण गरिएको बताए ।

जनताबाट निर्वाचित जनप्रतिनीधिको देहान्तपछि स्थानीय सरकारको जिम्मेवारी अन्तर्गत मोक्तान परिवारलाई सो रकम हस्तान्तरण गरिएको बताइएको छ । मोक्तान आफ्नो वडामा नुमना विकासको लागि परिचित थिए ।