जनकपुरः ट्रयाक्टरमा च्यापिएर एक युवकको मृत्यू 

२०७८ मङ्सिर १० शुक्रबार
बिहान १०:०५ बजे
न्यूज ब्यूरो, डेस्क

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामदेखि केही दुरीमा रहेको धनुषाको नक्टाझिझमा ट्रयाक्टरमा च्यापिएर एक युवकको मृत्यू भएको छ । 

धनुषा जिल्लाको मिथिला नगरपालिका वडा नम्बर २ नक्टाझिझस्थित शुक्रबार (आज) विहान करिब ८ बजेको समयमा आफैँले चलाएको ट्रयाक्टरमा च्यापिएर युवकको मृत्यू भएको हो । 

नक्टाझिझस्थित बालुवा अनलोड (झार्ने) क्रममा ज १ त ४१७२ नम्बरको ट्रयाक्टर पल्टिदाँ सिटमै च्यापिएर युवकको मृत्यू भएको हो । 

धुनषाको क्षीरेश्वरनाथ नगरपालिका वडा नम्बर ७ बस्ने अन्दाजी बर्ष २५ को चालक चेतन महतोको च्यापिएर मृत्यू भएको ईलाका प्रहरी कार्यालय महेन्द्रनगरले जनाएको छ । 

ईलाका प्रहरी कार्यालय महेन्द्रनगरका प्रहरी नीरिक्षक (ईन्सपेक्टर) तीलक बहादुर सुनारका अनुसार, बिहान ट्रयाक्टरमा लोड गरिएको बालुवा अनलोड गर्ने क्रममा ट्रयाक्टरको ईन्जिन माथि उठेपछि दुर्घटना भएको हो । 

ट्रयाक्टरमै बसेका चालक महतो ओर्लिन नसक्दा उनको ट्रयाक्टरको ईन्जिन र सिटको बीचमा च्यापिएर घटनास्थलमै मृत्यू भएको ईलाका प्रहरी कार्यालय महेन्द्रनगरले जनाएको छ । 

महतोको लासलाई पोष्टमार्टमको लागि जनकपुरको प्रादेशिक अस्पतालमा लगिएको प्रहरी नीरिक्षक सुनारले न्यूज ब्यूरोलाई जानकारी दिए । ट्रयाक्टर अहिले प्रहरीको नियन्त्रणमा रहेको छ । 

  • 0%
  • 0%
  • 0%
  • 0%
  • 100%
  • 0%

१ क्वीन्टल डेढ किलो गाँजा सहित तीन जना पक्राउ 

  • २०७८ मङ्सिर १० शुक्रबार

न्यूज ब्यूरो, जलेश्वर । सशस्त्र प्रहरीले भारी मात्रामा लागुऔषध सहित तीन जनालाई पक्राउ गर्न सफल भएको छ ।  प्रदेश नम्बर २ को महोत्तरी जिल्लास्थित गएराती ९ः३० बजेको समयमा १ क्वीन्टल डेढ

पूरा पढ्नुहोस्

Bureau Menus