'अपन गाउँ अपने बनाउ' भन्दै नौसयविघामा होर्डिङग बोर्ड

न्यूज ब्यूरो, धनुषा । धनुषाको धनुषाधाम नगरपालिका वडा नम्बर ५ नौयसविघा गाउँका युवाहरुको एक समूहले गाउँभरि नै सचेतनात्मक होर्डिङग बोर्ड लगाएको छ ।

“सेवा र सहयोग नै मानव धर्म हो” मुलमन्त्र मान्दै सामाजिक उदेश्यहरुप्रति काम गर्दै आएका विदेशस्थित रहेको युवाहरुको एक समूह (सँगठन) ले जनचेतनामुलक होडिङ्ग बोर्ड लगाएका छन् ।

माध्यमिकी परिक्रममा जाने परिक्रममा सडकको विभिन्न ठाउँमा आफ्नो गाउँ आफैँ बनाऔ मूल नारा सहित होडिँग लगाएका छन् । उनीहरुले दाईजो प्रथा अन्त्य, खुल्ला ठाउँमा दिशापिसाब नगरौँ, सवारी सीमित गतिमा चलाऔँ , आसपास सरसफाई राखौँ, छोरा र छोरीलाई समान शिक्षमा दिऔँ” जस्ता नारा सहितको होर्डिङग बोर्ड लगाएको हो ।

वैदेशिक रोजगारीको क्रममा विदेशमा रहेका युवाहरुको नौसयविघा समाज सहयोग युवा समूह नामक युवाहरुको समूहले सो बोर्ड लगाएका छन् । बोर्ड लगाएपछि उल्लेख गरिएको नाराहरु केही प्रतिशत पनि लागु भए गाउँमा समृद्धि आउने उनीहरुको विश्वास छ ।

देशमा अशाय निसाय वा बिरामी जस्ता समस्या ग्रसित अत्यन्तै पीडित परिवारहरुलाई साथ सहयोग तथा आर्थिक सहयोग गरिदै आईरहेका छन ।

समाजिक युवा सहयोगी मनहरूलाई अग्रतामा राखेर यो समुह प्रमुख भुमिका निर्वाह गर्दै आएको छ ।

पूर्व धनुषाबाट र पश्चिम महेन्द्रनगरबाट नौयसविघा प्रवेश गर्ने परिक्रमा सडक सहित गेटमा समेत स्वागत र जनचेतना मुलक होर्डिँग बोर्ड समूहद्वारा लगाएको नौसय विघा समाज सहयोग युवा समुहका संयोजक बिजय मण्डलले जानकारी दिए ।