धनुषाधाम नगरपालिकाको बार्षिक समिक्षाः 'धेरै कामहरु गर्न अझै बाँकी छ'

न्यूज ब्यूरो, जनकपुरधाम । धनुषाधाम नगरपालिकाका आर्थिक वर्ष ०७७÷७८ का वार्षिक समिक्षा कार्यक्रम तथा शुभकामना साटासाट कार्यक्रम सम्पन्न भएको छ ।
प्रदेश नं २ को केही दुरिमा धनुषाको धनुषाधाम नगरपालिका आर्थिक वर्ष ०७७÷७८मा वार्षिक समिक्षा कार्यक्रम सम्पन्न गरेको हो ।

‌कार्यक्रमको सभाअध्यक्ष नगरप्रमुख बालेश्वर मण्डल रहेका थिए । सो कार्यक्रम नगरप्रमुख बोल्दै जनता सेवामा कर्मचारी जनप्रतिनिधि लगायत सबैलाई स्वागत गर्दै धन्यवाद दिए साथै उनीहरुको कामको उच्च–स्थान दिदै प्रशंसा गरे ।

“हामीले गर्नु पर्ने धेरै थियो, हुने बमोजिम ४ सालको अवधीमा गरेका छौ । अझै समय अवधीमा गर्ने छौ ।” भन्दै वडा दशै , दिपावली तथा छठ पर्वको शुभकामना समेत दिएका थिए ।

सो कार्यक्रममा नगरपालिकाका प्रमुख प्रशासकीय अधिकृत गणेशराज कार्कीले २०७२ को संविधान पश्चात् आएको स्थानीय तहको नियम बमोजिम विकास निर्माण गाउँ गाउँमा बिस्तार भएको अन्तर्गत नगरपालिकामा पनि त्यही अनुरुप हुँदै आएको बताए ।

गत वर्षमा गरेको कामहरुको वार्षिक समिक्षा कार्यक्रम गरि सुधार गर्नु पर्ने पक्षहरु ,सुझाव,लगायत अन्य कुराहरुमा छलफल गरिएको अधिकृत कार्कीले बताए ।

सो कार्यक्रममा कृषि शाखा,स्वास्थ्य शाखा,शिक्षा शाखा,लगायतका शाखा प्रमुखहरुले आय–व्यय प्रस्तुतीकरण गरिएको थियो ।

कार्यक्रममा बिशिस्ट अतिथि उपमेयर बिध्यादेवी भुजेल स्वागत तथा शुभकामना मन्तव्य राखेकी थिइन। कार्यक्रमको संचालन योजना तथा प्रशासन शाखा प्रमुख संजित दासले गरेका थिए ।