ओरकेष्ट्रा नाच्न आएकी ३७ जना युवति पक्राउ 

चाडपर्वहरु सुरु हुन थालेपछि अब छठ पर्वसम्म नै महिला नर्तकीहरु आउने क्रम जारी रहने बताईएको छ ।

२०७८ असोज २ शनिबार
बिहान ०७:२१ बजे
न्यूज ब्यूरो, डेस्क

न्यूज ब्यूरो, जलेश्वर ।  विश्वकर्मा पूजाको अवसरमा महोत्तरीको विभिन्न स्थानमा आरकेस्ट्रामा नृत्य गर्न भारतबाट आएका ३७ जना कलाकारलाई प्रहरीले नियन्त्रणमा लिएको छ ।

महोत्तरीको मठिहानी नाकाबाट नेपाल प्रवेश गरेका प्रवेश गरेका २८ जना र कटकटैया नाकामा ९ जनालाई नियन्त्रणमा लिएको महोत्तरीका प्रहरी उपरीक्षक दिनेश आचार्यले जानकारी दिए ।

नियन्त्रणामा रहेकाहरु अधिकांश महिला छन् । उनीहरु शुक्रबार दिउँसो आरकेस्ट्रा कार्यक्रम गर्न नेपाल पसेका थिए ।

सबैजनालाई सोही नाकामै होल्ड गरेर नियन्त्रणमा राखेको र सम्झाई बुझाई छोड्ने तयारी गरेको एसपी आचार्यले बताए ।

यस्तै विश्वकर्मा पूजाको अवसरमा महोत्तरीको विभिन्न भागमा प्रतिवन्धको अवज्ञा गरी आयोजन गरेको आरकेस्ट्रा तथा नाच प्रोग्राम बन्द गराइएको एसपी आचार्यले जानकारी दिए ।

यता, धनुषाको पनि विभिन्न स्थानमा महिला नर्तकी नचाउनको लागि सयौँको सँख्यामा महिलाहरु प्रवेश गराइएको छ । नेपाल भारतको सीमासँगै रहेको गाउँहरु सहित अन्य ठाउँहरुमा समेत ओरकेष्ट्राको लागि भारतीय युवतीहरु मगाउने गरिन्छ । 

चाडपर्वहरु सुरु हुन थालेपछि अब छठ पर्वसम्म नै महिला नर्तकीहरु आउने क्रम जारी रहने बताईएको छ । जितिया पर्व र लाग्ने मेला, दशैँ, दिपावली, छठ सहित अन्य पर्व त्यहौरको उत्सवमा पनि ओरकेष्ट्रा आउने गरिन्छ । 

जिल्ला प्रशासन कार्यालय धनुषा र जिल्ला प्रहरी कार्यालय धनुषाले महिला नतर्की ओरकेष्ट्रा र ९ बजेपछि डिजे बाजाहरु समेत बन्द गर्न निर्देशन गरेको छ । यद्यपी, विभिन्न ठाउँमा हुने ओरकेष्ट्राहरु प्रायः प्रहरीकै सँरक्षणमै हुने गरेको छ । 

प्रहरीले आयोजकबाट केही रकम लिएर ओरकेष्ट्रा गराउन अनुमति दिन्छन् । जिल्ला प्रहरी कार्यालयलाई जानकारी नभएपछि गाउँस्तरमा पर्ने विभिन्न ईलाका प्रहरीका घुमुवाहरुले केही रकम लिएर ओरकेष्ट्रा गराउन दिएको देखिन्छन् । 

  • 43%
  • 21%
  • 0%
  • 0%
  • 0%
  • 7%

जनकपुरको मोनाष्टिकले गरे कक्षा ११ का विद्यार्थीहरुलाई स्वागत 

  • २०७८ असोज २ शनिबार

न्यूज ब्यूरो, जनकपुरधाम । जनकपुरधामस्थित चर्चित विद्यालय मोनाष्टिक आवासीय उच्च माध्यमिक विद्यालयले एक कार्यक्रमबीच कक्षा ११ का विद्यार्थीहरुलाई स्वागत (वेलकम प्रोग्राम) गरेको छ ।  प्रदेश नम्बर २ मै चर्चित रहेको मोनाष्टिकको

पूरा पढ्नुहोस्

Bureau Menus