मोसा दुर्घटनामा राष्ट्रियसभा सदस्य 'यादव' ले छोरा गुमाए

न्यूज ब्यूरो ||
जनकपुरधाम, ३ चैत्त । धनुषामा मोटरसाईकल दुर्घटना हुँदा राष्ट्रिय सभा सदस्य मुक्ता यादवको छोराको ज्यान गएको छ ।

पूर्व पश्चिम राजमार्ग अन्तर्गत धनुषाको पोर्तहा नजिक भएको मोटरसाईकल दुर्घटनामा नेतृ यादवको २३ बर्षिय छोरा रुपेश कुमार यादवको ज्यान गएको जिल्ला प्रहरी कार्यालय धनुषाले जनाएको छ ।

दुर्घटनामा ३ जना घाईते समेत भएको प्रहरीले जनाएको छ ।

धनुषा को गनेशमान चारनाथ नगरपालिका पोर्तहा नजिक बा ७३ प ९५६० नम्बरको मोटरसाइकल चलाउँदै गरेका नेतृ यादवका छोरा रुपेश दुर्घटनामा ज्यान गुमाएको छ ।

यसका साथै त्यही सवारीमा पछाडी सवार सिरहा को बिष्णुपूरा बजार बस्ने बर्ष २१ को दिनेश कुमार यादव घाईते भएका छ्न्।

नेपाली काँग्रेसका प्रदेश २ का सँसदीय दलका नेता राम सरोज यादवले दुर्घटनालाई शँकास्पद बताउँदै घटनाको छानबिनको लागि माग गरेका छन् ।

कसरी घट्ना भयो खुल्न सकेको छैन । धनुषाधाम नगरपालिका १ बस्ने पन्चा लाल दास र राम लोचन दास बसेको ज ८ प ९९३७ मोटरसाइकल पनि दुर्घटनामा परेको इलाका प्रहरी कार्यालय ढल्केबरले जनाएको छ।