झण्डै ३ दशकपछि मिले नीधि र यादव

न्यूज ब्यूरो, जनकपुरधाम । नेपाली काँग्रेसका उपसभापति विमलेन्द्र निधि १४ औं महाधिवेशनमा सभापति पदमा उम्मेदवारी दिने भएपछि देशका प्रथम राष्ट्रपति डा।रामवरण यादवका छोरा डा।चन्द्रमोहन यादवसित गठबन्धन बनाएका छन् ।

धनुषा जिल्लामा निधिका निकटहरुले साथ छाडेपछि उनी यादवलाई विश्वासमा लिने प्रयास गरेका छन् ।नेकाँको १३ औं महाधिवेशनमा डा।यादव महाधिवेशन प्रतिनिधिमा पराजित भएका थिए ।

उच्च स्रोतहरुका अनुसार धनुषाको निर्वाचन क्षेत्र नम्बर ४ मा महाधिवेशन प्रतिनिधि आफ्नो पक्षमा पार्न निधिले पूर्व राष्ट्रपति यादवको निवासमा क्षेत्रिय सभापति योगेन्द्र पजियार सित तालमेल गरेका आजको जनकपुर टुडेमा समाचार प्रकाशित छ ।

केन्द्रीय सदस्य एवं धनुषा क्षेत्र नम्बर ४ का प्रभावशाली नेता महेन्द्र यादवले सभापति शेरबहादुर देउवाको पक्षमा खुलेपछि नेता निधिले क्षेत्रिय सभापति पजियार र यादवसित तालमेल गरेका छन् ।

नेपाली काँग्रेसको आन्तरिल गुटमा यादव कोइराला पक्ष र निधि देउवा पक्षमा रहँदै आएका थिए ।निधि निकटका आनन्दप्रसाद ढुंगाना, महेन्द्र यादव, समिर घिमिरे लगायतले साथ छाडेका छन् ।

रामकृष्ण यादव पहिलेदेखि नै निधिलाई छाडेर रामचन्द्र पौडेलको पक्षमा लागेका आजको जनकपुरटुडेमा समाचार प्रकाशित छ ।