औरही गाउँपालिकाको नयाँ प्रमुख प्रशासकीय अधिकृतमा यादव

न्यूज ब्यूरो, जनकपुरधाम । धनुषाको औरही गाउँपालिकाको नयाँ प्रमुख प्रशासकीय अधिकृतको रुपमा अशोक यादव आएका छन् ।

सोमबार औरही गाउँपालिकाको कार्यालयस्थित उनले आफ्नो पदभार ग्रहण गरेका छन् । पटक पटक विवादमा तानिदै आएको धनुषाको औरही गाउँपालिकाको पछिल्लो ४ वर्षमा कैयौं अधिकृत परिवर्तन भएको छ ।

कार्य सम्पादनमा कुशल मानिएका अधिकृत यादवले औरही गाउँपालिकाको बेतिथिलाई साम्य पार्ने विश्वास स्थानीयहरुको छ । जनप्रतिनीधिहरुले समेत अधिकृत यादवले गाउँपालिकाको वर्तमान अवस्थालाई सुधार गरी नागरिक, कर्मचारी र जनप्रतिनीधिबीचको सम्बन्धलाई सुधार गर्नमा अहम भूमिका निर्वाह गर्ने विश्वास लिएको छ ।