हरिवनका इन्सपेक्टर यादव प्रलोभनमा परी पक्राउ पुर्जीलाई बेवास्ता

न्यूज ब्यूरो, सर्लाही । सर्लाहीको हरिवनमा माईती घरमा बस्दै आएकी महिला माथि कुटपिट हुदाँ गर्भ नै तुहिएको घटनामा सुरक्षाकर्मी नै प्रलोभनमा परी आरोपित बचाउमा लागेको आरोप छ ।

सो घटनामा संलग्न माथि कारवाहीका लागि जिल्ला अदालत सर्लाहीले पक्राउ पुर्जी जारी गरे पनि प्रहरीले पक्राउ गर्न नचाहेको पिडितले बताएका छन् ।

मुद्दा दर्ता २८ श्रावण गरेर जिल्ला अदालतबाट आरोपितलाई पक्राउ गर्न आदेस जारी गरे पनि इलाका प्रहरी कार्यालय हरिवनका प्रहरी निरीक्षक अबधेश यादवले आरोपितलाई संरक्षण गर्दै आएको छ ।

इलाका प्रहरी कार्यालय हरिवनका प्रहरी निरीक्षकको लापरबाहीले हरिवन नगरपालिका वडा नम्बर १ माईती घरमा बस्ने २४ बर्षिय महिला माथि एक समूहले सामूहिक रुपमा कुटपिट गर्नुको साथै पेटमा लातले हिर्काउदा गर्भ नै तुहिएको थियो ।

गएको श्रावण ९ गते बेलुका ५ बजेको समयमा आमासंग बुबाले जोतकोर गरी बाली नाली लगाई रहेको खेतमा बाली नाली सम्बन्धि विवाद लिई झै–झगडा हुदाँ कुटपिट भई आमालाई समेत कुटपिट गरी रहेको खेतमा अढाई महिनाको गर्भ बोकि पुगिएको महिलामाथि स्थानिय मुकेश यादव, विदिया यादव, मिथलेस यादव, नथुनी राय यादव र राजकली यादवको समूहले महिलामाथि सामूहिक रुपमा कुटपिट गर्दा गोप्य अंगबाट रगत निस्किी महिलाको उपचारको क्रममा गर्भपतन भएको थियो ।

पिडकले जाहेरी दर्ता नगराउन विभिन्न किसिमका डरत्रास र धाकधम्की दिदै आएको पिडित महिलाको भाई प्रमोद यादवले बताए । राजनितिक पहुँच र लठ्ठी पावरको आडमा दिनहुँ गाली गलौज तथा झगडा गर्ने बहाना खोज्दै आएको छ ।

गर्भ तुहाएपनि उनिहरुसंग केही हुदैन, घटना मिलाउन पचास लाख रुपैया राखेको दाबी गर्दै हामीहरुलाई तर्साउदै आएको गुनासो गरे । आर्थिक प्रलोभनमा परेर पिडकलाई प्रहरीले समेत संरक्षण गर्दै आएको पिडित आरोप लगाए ।

घटना ९ गते भएपनि प्रहरीले उनिहरुलाई नियन्त्रणमा लिई सोधपुछ समेत गरेका छैन, घटना मिलाउन प्रहरीले सक्रिय भएका देखिन्छ ।

घटना भएपछि हरिवन ईलाका प्रहरी कार्यलय सर्लाहीका प्रहरी निरिक्षक अवधेश कुमार यादवले हामीलाई घटनालाई मिलापत्रको लागि समेत दबाब दिदै आएको पिडितको अर्को भाई अरोज कुमार यादवले बताए ।

प्रहरीको रवैया, सुस्त गतिको अनुसन्धान र पिडकको पक्षमा गरेको वकालतले समेत घटना मिलाउन र पिडितलाई दबाउन प्रहरी आर्थिक प्रलोभन र राजनितिक दबाबमा परेर लागिपरेको प्रष्ट देखिन्छ ।

मुद्दा दर्ता गर्न आनाकानी गर्ने इलाका प्रहरी कार्यालय हरिवनका इन्सपेक्टर यादवले अहिले पक्राउ गर्न ढिलाइ गर्नु शंकास्पद छ ।

मुख्य आरोपित राजकली देवी फरार रहेकी छिन, फरार महिलाको खोजि कार्य भईरहेको प्रहरी निरिक्षक अवधेश यादव ले बताए ।