धनुषाको कमला नगरपालिकामा कोरोनाबाट ४ जनाको मृत्यू, ५४ जनामा कोरोना

न्यूज ब्यूरो, जनकपुरधाम । पूर्वी धनुषाको कमला नगरपालिकामा कोरोना सँक्रमणबाट अहिलेसम्म ४ जनाको मृत्यू भएको तथ्याँक सार्वजनिक गरिएको छ ।

नगरपालिकाको स्वास्थ्य सँयोजक सत्यनारायण ठाकुरका अनुसार जेठ ९ गतेसम्मको तथ्याँक अपडेट अनुसार नगरपालिकाभरिमा कुल ४ जनाको कोरोना सँक्रणबाट मृत्यू भएको छ ।

यस्तै, अहिलेसम्म विभिन्न वडा गरी कुल ५४ जनामा कोरोना पुष्टि भएको हो । लक्षण देखिए बमोजिम गरिएको चेकजाँच सहित कन्टयाकट ट्रासिँगको आधारमा ५४ जनामा कोरोना पुष्टि भएको हो ।

जसमध्ये कमला नगरपालिकाको वडा नम्बर २ मै ८ जनामा कोरोना पुष्टि भएको हो । सँयोजक ठाकुरका अनुसार, यीनीहरु लक्षणको अनुसार परीक्षण गर्दा कोरोना देखिएको हो भने परीक्षण नगरेको कैयौं व्यक्तिमा हुन सक्ने अनुमान गरे ।

उनले कोरोना सँक्रमण भएपनि चेकजाँच नगराउने, जथाभावी घुम्ने गरेकोले गाउँहरुमा सँक्रमण फैलिँदै गएको बताए । उनले चौक चौराहामा भीडभाडमा गएर बस्ने, मन्दिर, कुटीमा जम्मा भएर बस्ने गर्दा सँक्रमण थप फैलिँदै गएको बताए ।

पूर्वी धनुषामा लकडाउन र निषेधाज्ञाको शुन्य प्रभाव देखिएको छ । इलाका प्रहरी कार्यालय खजुरीले शुन्य चासो लिएको कारण सँक्रमण थप फैलिँदै गएको बुझिएको छ ।