१० रुपैयाँ दिएर ७ बर्षीया बालिकालाई बलात्कार गरेको आरोपमा पुरुष पक्राउ

न्यूज ब्यूरो, वीरगँज । एक ७ बर्षिय बालिकालाई ३६ बर्षिय पुरुषले ललाईफकाई घरमा लगेर बलात्कार गरेको आरोपमा एक पुरुषलाई प्रहरीले पक्राउ गरेको छ ।

सोमबार पर्सा जिल्लाको वीरगँज महानगरपालिका वडा नम्बर २४ स्थित डेरामा बस्दै आएकी ती ७ बर्षिय बालिकालाई सोही ठाउँ बस्ने बर्ष ३६ को एक पुरुष (नाम गोप्य) ले जबरदस्ती करणी गरेको आरोपमा पक्राउ परेका छन् ।

सोमबार करिब १२ः३० बजेको समयमा उनको बुवालाई बालिकाले सो व्यक्तिले कुकर्म गरेको बताएको पर्सा प्रहरीले जनाएको छ । तीन छोराछोरीलाई छाडेर श्रीमान श्रीमति दैनिक काममा निस्केको बेला छोरीको बलात्कार जाहेरीमा गरेको उल्लेख छ ।

जाहेरी पश्चात मँगलबार जिल्ला प्रहरी कार्यालय पर्साबाट खटि गएको प्रहरीको टोलीले आरोपित पुरुषलाई नियन्त्रणमा लिएर जबरजस्ती करणी सम्बन्धी कसूरमा अनुसन्धान भइरहेको जनाएको छ ।