प्रदेश २ः सिम्रौनगढको रामजानकी मन्दिरमा २४० बर्ष पुरानो ऐतिहासिक इँटा भेटायो

न्यूज ब्यूरो, जनकपुरधाम । प्रदेश नम्बर २ को बारा जिल्लाको एतिहासिक सिम्रौनगढ (Simraungadh) स्थित बर्षौ पुरानो कलात्मक इँटा Old Bricks फेला परेको छ ।

पुरातत्व विभाग काठमाडौले प्रदेश नं २ को प्रसिद्ध तथा ऐतिहासिकस्थल सिम्रौनगढस्थित रामजानकी मन्दिर जीणोद्वार गर्दा करीब २४० वर्ष पुरानो कलात्मक इँटा फेला पारेको हो ।

सिम्रौनगढ नगरपालिका–२ अमृतगञ्जस्थित सो मन्दिरको जीणोद्वार गर्ने क्रममा उक्त कलात्मक इँटा फेला परेको हो ।

सो इँटा विसं १८३५ र १९३५ को हुनसक्ने बताइएको छ । फेला परेको उक्त इँटामा विसं उल्लेख गरिएको नगरपालिकाका सदस्य परमानन्द मुखियाले राससलाई जानकारी दिए ।

उक्त इँटा फेला परेपछि त्यहाँ विसं १९३५ भन्दा पहिले देखिनै मन्दिर रहेको अनुमान गरिएको छ । सो ऐतिहासिक, धार्मिक तथा पर्यटकीयस्थलको रुपमा रहेको सिम्रौनगढ Simraungadh का उचित संरक्षण हुनसकेको छैन ।