बस र ट्रक जुध्दा ३ जनाको मृत्यू, १० घाईते !

न्यूज ब्यूरो, मकवानपुर । बागमति प्रदेशको राजधानी हेटौडास्थित बस र ट्रक ठक्कर खाँदा ३ जनाको मृत्यू भएको छ भने १० जना घाईते भएका छन् ।

आज (शनिबार) बिहानै हेटौंडाबाट चितवनतर्फ जाँदै गरेको ना ४ ख ५१४९ नम्बरको बस र विपरीत दिशाबाट हेटौंडा आउँदै गरेको ना६ख८९ नम्बरको ट्रक ठोक्किएपछि दुर्घटना भएको हो ।

दुर्घटनामा बसका चालक वीरगन्ज वडा नम्बर १५ का ३५ वर्षीय मदनकुमार थापा, यात्रु भारत सिस्वाका करिब ४० वर्षीय अभयलाल कुशवाहा र बिहारका ४० वर्षीय सुनिल कुमारको मृत्यु भएको मकवानपुर जिल्ला प्रहरी कार्यालयले जनाएको छ।

दुर्घटनामा बस र ट्रकका गरी १० यात्रु घाइते भएका छन्। अहिले उनीहरूको उपचार हेटौंडा र भरतपुरका अस्पताल भइरहेको छ।

पूर्वपश्चिम राजमार्गअन्तर्गत हेटौंडा–चितवन सडक खण्डमा शनिबार बिहान ३ बजेतिर दुर्घटना भएको हो।