'हाम्रो उद्योग, हामी मालिक' नारा सहित नगरवासीलाई ब्याग बनाउने तालिम

न्यूज ब्यूरो, जनकपुरधाम । धनुषाको नगराईन नगरपालिकाले नगरवासीलाई आत्मनिर्भर बनाउनको लागि सीपमूलक तालिम दिएको छ ।

“हाम्रो उद्योग, हामी मालिक” मुल नाराका साथ नगराईन नगरपालिकाले नगरवासीको लागि ब्याग र मास्क बनाउने तालिम दिएको हो ।

गरिबीको रेखामुनी रहेका विभिन्न वडाका नागकिरलाई आत्मनिर्भर आर्थिकोपार्जनको लागि ब्याग तथा मास्क बनाउने तालिम प्रदान गरिएको हो । यस तालिमपछि उनीहरुले स्थानीय स्तरमै ब्याग र मास्क बनाउन सक्नेछन् ।

आफ्नै ठाउँमा स्वरोजगारी प्रदानको लागि नगराईन नगरपालिकाको विभिन्न वडाबाट सहभागीहरुले ७ दिने तालिम लिएका छन् । उनीहरु ब्याग र मास्क बनाएर स्थानीय स्तरमै बेच्ने पनि बताईएको छ ।

नगराईन नगरपालिकाका नगर प्रमुख परमेश्वर यादवको अध्यक्षता सम्पन्न भएको सो तालिममा सहभागीहरुलाई प्रमाणपत्र प्रदान गरिएको हो ।

उपप्रमुख रंजू कुमारी साहको विशेष उपस्थितिमा ७ दिने तालिमको समापन गरिएको हो । शुक्रबार सम्पन्न सो तालिमको समापन कार्यक्रममा वडाध्यक्ष धनवीर मण्डल, प्रमुख प्रशासकीय अधिकृत राजकुमार केसी समेतको विशेष उपस्थिति रहेको थियो ।

सो कार्यक्रममा नगर प्रमुख यादव र प्रमुख प्रशासकीय अधिकृत केसीले तालिममा सहभागीहरुलाई अब आत्मनिर्भर बनेर स्वरोजगार बन्न आग्रह गरेका थिए । तालिममा सिकेका कुराहरुलाई व्यवहारमा लागू गरी आफ्नो व्यवसाय मार्फत आर्थिकोपार्जन गर्न सकिने बताएका थिए ।

तालिममा सहभागीहरलाई मुख्य प्रशिक्षकको रुपमा महेन्द्र लुइँटेलले तालिम दिएका थिए ।