सर्लाहीको लालबन्दीबाट १३ जुवाडे पक्राउ

न्यूज ब्यूरो, सर्लाही । प्रदेश नम्बर २ को सर्लाही जिल्लाको लालबन्दी नगरपालिकाबाट प्रहरीले १३ जुवाडेलाई पक्राउ गरेको छ ।

पक्राउ पर्नेमा लालबन्दीका कृषि उपज बजार सञ्चालक समितिका अध्यक्ष सहित अन्य व्यापारीहरु रहेको प्रहरी स्रोतले जनाएको छ ।

ईलाका प्रहरी कार्यालय लालबन्दीबाट खटिएको टोलीले सोमबार दिउँसो लालबन्दीको तरकारी बजारबाट भित्रपट्टी जुवातास खेलिरहेको अवस्थामा १३ जनालाई नियन्त्रणमा लिईएको जिल्ला प्रहरी कार्यालय मलंगवाका प्रवक्ता प्रहरी नायव उपरीक्षक मदन कुँवरले जानकारी दिए ।

दिउँसो ४ बजेतिर प्रहरी टोलीले छापा हान्दा जुवातास खेलिरहेको अवस्थामा उनिहरु पक्राउ परेको प्रहरीले जनाएको छ ।

पक्राउ परेकालाई जुवातास नियन्त्रण ऐन अन्तर्गत कार्वाही गर्ने तयारी भईरहेको प्रनाउ कुँवरले जानकारी दिए ।