चिसो छल्न तापेको आगो जिउमा सल्कँदा एक महिला गम्भीर घाइते

बिनय यादव, मिर्चैया, ८ फागुन । चिसो छल्न आगो तापिरहेकी सिरहाकी एक महिलाको जिउमा आगो सल्किँदा गम्भीर घाइते भएकी छन् ।

घाइते हुनेमा सिरहाको मिर्चैया नगरपालिका वडा नम्बर ९ मौराहा पैनघटा बस्ने मुकेश माझीकी श्रीमती अन्दाजी ३५ वर्षीया गीता देवी माझी छन् ।

पारिवारिक श्रोतका अनुसार बिहान आगो वालेर ताप्दै गर्दा उनको साडीमा थाहै नपाई हुर्हुरी सल्केको आगोले उनको खुट्टा, हात र ढाड लगायत शरीरका केही भागमा पोलेको छ ।

माझीको मिर्चैया स्थित एक निजी अस्पतालमा उपचार भइरहेको परिवारजनले जनाएको छ ।