बडही समाजको तदर्थ समिति, महिलालाई उपेक्षा

न्यूज ब्यूरो ||
काठमान्डौँ, ७ फागुन । केही बडही जातीहरुको छाता सँगठनको रुपमा गठन गरिएको बडही समाज केन्द्रीय समितिको तदर्थ समिति गठन गरिएको छ ।

बडही समाजको बुद्धिजीवी समितिका सँयोजक चन्द्रदेव ठाकुरको अध्यक्षता तथा समाजका केन्द्रीय अध्यक्ष धनिकलाल ठाकुरको प्रमुख आतिथ्यमा काठमान्डौँमा सम्पन्न भएक जमघटबाट तदर्थ समिति गठन गरिएको हो ।

समितिको अध्यक्षमा चन्द्रदेव ठाकुर, उपाध्यक्षमा विपिन शर्मा, सचिवमा सुरेश प्रसाद ठाकुर तथा कोषाध्यक्षमा पवन कुमार ठाकुर सहित ७ सदस्यीय तदर्थ समिति गठन गरिएको हो ।

समितिको सदस्यहरुमा राम नारायण ठाकुर, रविन्द्र कुमार ठाकुर र रण आधार ठाकुर रहेका छन् ।

सप्तरीका पूर्व साँसद समेत रहेका सकलदेव सुतिहारको विशेष आतिथ्यमा बसेको बैठकमा समाजको पूर्व अध्यक्ष हरेराम ठाकुर, मिना कुमारी शर्मा, राम जतन ठाकुर लगायतका कर्मचारी तथा विद्यार्थीहरुको सहभागिता भएपनि समितिमा भने महिलालाई शून्य स्थान दिइएको हो ।

समितिमा महिलाको उपस्थिति ३३ प्रतिशत राख्नुपर्ने प्रावधान भएपनि एउटा नै महिलालाई समितिमा समावेश गरिएको छैन ।