धनौजी गाउँपालिकाको कर्मचारीलाई बिजोग, भन्छन अब घर चलाउन पनि गाह्रो भयो

न्यूज ब्यूरो, जनकपुरधाम । प्रदेश नम्बर २ को धनुषास्थित रहेको धनौजी गाउँपालिकामा कर्मचारीहरुले विगत ९ महिना देखी तलब भत्ता नपाएपछि बिजोग भएको सुनाएका छन् ।

विवादमै आउदै गरेको धनौजी गाउँपालिकाले अहिलेसम्म कर्मचारीलाई तलब नदिएको भन्दै अब घर चलाउन पनि गाह्रो भएको बताएको छ । “नेताहरु आफ्नो स्वर्थको लागि मात्रै आन्दोलन गर्छ, हामीले बिगत ९ महिना देखि तलब भत्ता पाको छैन तर न कुनै नेतालाई मतलब छ न कुनै स्थानीय प्रतिनिधिलालाई।”

सधैं कार्यालय प्रमुख फेरिरहने प्रवृतिका कारण कर्मचारीहरुले तलब खान नपाएको दुःखेसो पोखेको छ । “सधैं यहाँ प्रमुखनै बद्लिन्छ अहिले केही महिना पहिलानै कनहैया मिश्र आको थियो अनि वहाको नि सरुवा भयर नाया प्रमुख गौरी शंकर मण्डल आएको छ।” एक कर्मचारीले भने ।

कर्मचारीहरुले बालबच्चको स्कुल सहित घर चलाउन गाह्रो भएको बताउँदै आन्दोलन पनि गर्ने चेतावनी दिएको हो ।