भारतसँगको बोर्डर अबिलम्ब खोलौं : यादव
विश्वका कतिपय देशहरु सीमा विहिन भएको उल्लेख गर्दै अध्यक्ष यादवले २१ औ शताव्दीको युगमा सीमा नाका बन्द गर्नु आफैमा हाँस्यास्पद रहेको उल्लेख गरे ।
२०७७ फागुन ११ मंगलबार, राति ८:०३ बजे१ मिनेट पढाइ
न्यूज ब्यूरो, जनकपुरधाम । जनता समाजवादी पार्टीका अध्यक्ष उपेन्द्र यादवले भारत संगको सीमा नाका अविलम्ब सुचारु गर्न मांग गरेका छन् ।
महोत्तरीको मटिहानी नगरपालिकाद्वारा मटिहानी बजारमा निर्मित कलात्मक घण्टाघरको समुघाटन गर्दै अध्यक्ष यादवले भारत संगको सीमानाका सुचारु गर्न आफुहरु प्रधामन्त्रीलाई पटक पटक अनुरोध गरे पनि अटेरी गर्दै आएको आरोप लगाए ।
कोरोनालाई सीमा नाकामा लगाइएको ढाठले रोक्न नसक्ने उल्लेख गर्दै अध्यक्ष यादवले सीमानाका बाट मधेशको जीवननै जुडेको हुनाले यस संवेदनशिलतालाई प्रधानमन्त्रीले बुझदै सीमा नाका खोल्नु पर्ने उनले बताए ।
विश्वका कतिपय देशहरु सीमा विहिन भएको उल्लेख गर्दै अध्यक्ष यादवले २१ औ शताव्दीको युगमा सीमा नाका बन्द गर्नु आफैमा हाँस्यास्पद रहेको उल्लेख गरे ।
मटिहानी नपाका प्रमुख हरि प्रसाद मण्डलको अध्यक्षतामा भएको उक्त कार्यक्रममा अध्यक्ष यादव र मुख्यमन्त्री लालबाबु राउतले संयुक्त रुपमा घण्टाघरको समुदघाटन गरेका थिए ।
कस्तो महसुस भयो ?
प्रतिक्रिया दिन साइन इन गर्नुहोस्
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
टिप्पणी
आफ्नो विचार राख्न साइन इन गर्नुहोस्।
लोड हुँदै…