नेता अरगरियाले गरे मन्दिर र मदरसाको एकैपटक उद्घाटन

न्यूज ब्यूरो, जनकपुरधाम । जनता समाजवादी पार्टीका नेता एवम् विघटित प्रतिनीधिसभाका सदस्य उमाशंकर अरगरियाले एकैपटक मन्दिर र मदरसाको उदघाटन गरेका छन् ।

पूर्वी धनुषाको जकनकनन्दनी गाउँपालिका स्थित मँगलबार नेता अरगरियाले सरस्वतिको मन्दिरका साथै मदरसा दारुल तौहिद अलसल्फियाको उदघाटन गरेका हुन् ।

जनकनन्दनी गाउँपलिका वडा नम्बर स्थित ३ महुवामा उनकै सँसदीय विकास कोषबाट निर्मित सरस्वती मन्दिर र मदरसा दारुल तौहिद अलसल्फियाका निर्माण भएकोमा मँगलबार एकैपटक उदघाटन उनले गरेका हुन् ।

उद्घाटन गर्दै अरगरियाले समाजको माग अनुसार आफू अघि बढिरहने बताए । यस क्षेत्रको विकासका लागि आफू जहिल्यै पनि तत्पर रहने बताउँदै उनले सकारात्मक काममा सबैले सहयोग गर्नुपर्ने बताए ।

जनकनन्दनी गाउँपालिका ३ महुवाका सँजीव साहले दान गरेको जग्गामा सरस्वती मन्दिर निर्माण गरिएको छ । मन्दिरमा श्रीपञ्चमीको अवसर पारेर मंगलबार नै सरस्वतीको मूर्ती समेत स्थापना गरिएको छ ।

सरस्वती मन्दिर १५ लाख र अमदरसा १३ लाख ५० हजारको लागतमा निर्माण गरिएको छ । मन्दिर र मदरसा उद्घाटनको अवसरमा स्थानीय बिभिन्न राजनीतिक दलका प्रतिनिधी, बुद्धिजिवी, समाजसेवीको उपस्थिति रहेको थियो ।