आमहडताल : मोटरसाइकल तोडफोडको भिडियो खिचिरहेका पत्रकारमाथि दुर्ववहार

न्यूज ब्यूरो,सिरहा । सिरहामा आन्दोलनकारीहरुले पत्रकारमाथि दुर्ववहार गरेको छ ।

सिरहाको मिर्चैयास्थित कटारी चोकमा आन्दोलनकारीहरुले पत्रकारलाई दुर्ववहार गरेको हो । स्थानीय सञ्चारकर्मी श्याम ठाकुरमाथि आन्दोलनकारीहरुले दुर्ववहार गरेका हुन् ।

नेकपाको प्रचण्ड-नेपाल समूहद्वारा गरिएको आमहडतालको रिपोर्टिङमा रहेका उनलाई धक्का हान्दै दुर्ववहार गरिएको छ । पत्रकार ठाकुरले आन्दोलनकारीहरुले तोडफोड गरिरहेको मोटरसाइकलको भिडियो लिइराखेका थिए ।

सोही क्रममा किन भिडियो लिएको भन्दै आन्दोलनमा सहभागी केहि व्यक्तिको समूहले पत्रकार ठाकुरको मोबाइल खोस्दै दुर्ववहार गरेका छन् ।

आन्दोलनकारीहरुले राजमार्गमा टायर बाल्दै धर्ना दिएका छन् । उनीहरूले धर्ना दिँदा अत्यावश्यक बाहेका सवारीसाधन ठप्प छ भने पसलहरु पनि बन्द छन् ।

मिर्चैयामा पूर्वमन्त्री तथा नेकपाका नेता महेन्द्र पासवान तथा मिर्चैयाका मेयर श्रवण यादवको नेतृत्वमा आन्दोलन भइरहेको छ ।