जनकपुरः धारापानी बस स्टैण्डमै एक पुरुषको मृत्यू !

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामदेखि केही किलोमिटरको दुरीमा रहेको धारापानीमा एक पुरुष विहानै मृत अवस्थामा भेटेका छन् ।

धनुषाको धनुषाधाम नगरपालिका वडा नं. ९ धारापानी बस स्टैण्डमै आज विहान मृत अवस्थामा भेटेको जिल्ला प्रहरी कार्यालय धनुषाले जनाएको छ । प्रहरीका अनुसार, उनी भोजपुर जिल्ला निवासी हुन् ।

भोजपुर जिल्लाको च्याम्पे मयुम गाउँपालिका वडा नं. ८ बस्ने अन्दाजी बर्ष ३० का विजय नेपाली विहानै मृत अवस्थामा भेटेको जिल्ला प्रहरी कार्यालय धनुषाका प्रहरी प्रवक्ता मकेन्द्र मिश्रले जनाएका छन् ।

मिश्रका अनुसार, मृतकले अत्यधिक मापदकपदार्थ सेवन गरेको कारण उनको ज्यान गएको हुन सक्ने बताएको हो । शुक्रबार साँझ ६ बजेदेखि नै बसस्टैण्डमा बसेका नेपाली अत्यधिक मदिरा सेवन गरेका थिए । त्यसपछि राती पनि कैयौं पटक रक्सी खाएको स्थानीयहरुलाई उदृत गर्दै प्रहरीले जनाएको छ ।

उनको अत्यधिक रक्सी सेवनकै कारण मृत्यू भएको हुन सक्ने अनुमान गरिएको छ । रातभरि बस स्टैण्डमै बसेको कारण चिसोले कठयाँग्रिएर पनि मृत्यू भएको हुन सक्ने अनुमान गरिएको छ । यद्यपी, शवको पोष्टमार्टम भएपछि मात्र यथार्थ भन्न सकिने प्रवक्ता मिश्रले बताए ।