जनकपुरः आफ्नै छोरीलाई कुटपिट गरी बलात्कार गरे, त्यसपछि श्रीमतिलाई फोन गरी धम्की !

न्यूज ब्यूरो, जनकपुरधाम । आफ्नै छोरीको बलात्कार गरको आरोपमा आरोपमा एक ६० बर्षिय पुरुषलाई धनुषा प्रहरीले पक्राउ गरेको छ ।

जिल्ला प्रहरी कार्यालय धनुषाले धनुषाको कमला नगरपालिका वडा नं. ५ बस्ने अन्दाजी ६० बर्षिय भोला यादवलाई पक्राउ गरी सार्वजनिक गरेको छ । गत मँगलबार उनले आफ्नै छोरीलाई बलात्कार गरी भागेको आरोपमा पक्राउ गरिएको हो ।

गत मँगलबार काठमान्डौं पढन आएकी भोलाको आफ्नै छोरीलाई कुटपिट गरी बलात्कार गरी जनकपुर भागेको पीडित किशोरीकी आमाको बयानलाई उदृत गर्दै जिल्ला प्रहरी कार्यालय धनुषाले जनाएको छ ।

काठमान्डौंको गोकर्णेश्र नगरपालिका वडा नं. ५ जम्बुडाँडा बस्ने यादवले आफ्नै छोरीलाई बलात्कार गरी नेपाल मेडिकल कलेजमा उनको अर्को छोरीको उपचार गराइरहेको अवस्थामा फोन गरी छोरीको हालात हेर्न धम्की दिएको आरोप समेत लगाइएको हो ।

जिल्ला प्रहरी कार्यालय धनुषाका अनुसार, पक्राउ परेका भोला यादवले दुई वटा बिहे गरेका छन् । एक तराई मूलकी छन् भने अर्की पहाडे मूलकी श्रीमति छन् । तराई मूलकी श्रीमतिबाट जन्मिएकी छोरी कोपिला यादवलाई नेपाल मेडिकल कलेजमा उपचार गराइरहँदा घरमा कोही नभएको मौका छोपेर पहाडे मूलकी श्रीमतिबाट जन्मिएकी छोरीलाई बलात्कार गरेको प्रहरीले जनाएको छ ।

उनकी पहाडे मूलकी श्रीमति हिरामाया गिरीले दिएको निवेदन अनुसार उनको आफ्नै छोरीलाई बलात्कार गरेको हो । बलात्कार गरी फोन मार्फत जानकारी दिएपछि कोठामा जाँदा अवस्था देखेपछि झसँग भएको बताइएको छ ।

“भोला यादवले फोन गरी कोठामा गएर हेर तेरो छोरीको हालत देख्छेस भनि भनेपछी म कोठामा गई हेर्दा मेरो छोरी ....(नाम गोप्य).. गिरीलाई घाउचोट लागि रगत पच्छे भई अचेत अवस्थामा देखेपछि अस्पताल भर्ना गरे ।”– हिरामायाले प्रहरीलाई बताइन् ।

छोरी रगतले लतपत देखिएपछि तत्कालै उपचारको लागि राष्ट्रिय ट्रामा सेन्टरमा लगेर उपचार गराईरहेको जनाइएको छ । किशोरीलाई बलात्कार गरी ज्यानै मार्ने उदेश्यले ढुँगाले समेत हानेर बेहोस बनाएर भागेको प्रहरीले जनाएको छ ।

हिरामाया गिरि यादवले महानगरीय प्रही वृत बौद्ध काठमाण्डौमा निवेदन लेखि पेश गरेपछि भोला यादवलाई उक्त वृतको पत्र अनुसार खोजतलास गर्ने क्रममा विहिबार जनकपुरबाट पक्राउ गरिएको हो ।

जिल्ला प्रहरी कार्यालय धनुषाबाट खटि गएको टोलीले जनकपुर उप–महानगरपालिका वडा नम्बर ८ स्थित रामानन्द चोकबाट उनलाई पक्राउ गरी काठमान्डौं पठाइएको जनाइएको छ ।