मुख्यमन्त्री मो. राउतको शपथ भोली, शपथपछि पहिले मन्दिर की मस्जिद ?

न्यूज ब्यूरो ||
जनकपुरधाम, २ फागुन । प्रदेश नं. २ का मुख्यमन्त्री मो. लालबाबु राउत गद्दीले भोली मुख्यमन्त्रीको सपथ ग्रहण गर्ने भएको छ ।
आजै मुख्यमन्त्री बनेका राउतको लागि भोली विहिबार सपथ ग्रहणको साइत मिलाइएको हो ।

पण्डित सन्तोष पाण्डेले शपथको लागि बिहीवार दिउँसो १२ बजेर १९ मिनेटदेखि देखि १ बजेर १३ मिनेटको साइत जुराइदिएका हुन् ।

हिन्दूधर्म अनुसार नै उनलाई गृहप्रवेशको साइत अपरान्ह ४ देखि ४ बजेर ४५ मिनेटकोबीचमा जुरेको पाण्डेले बताए ।

जनकपुरमा आयोजित विशेष समारोहमा प्रदेश प्रमुख रत्नेश्वरलाल कायस्थले मुख्यमन्त्री राउतलाई शपथ गराउने छन् ।

बहुसंख्यक हिन्दू सांसदको सुझाव अनुसार मुख्यमन्त्री राउतले सपथको लागि साइत हेराएका हुन् ।

शपथपछि मुख्यमन्त्री राउत मन्दिर, मस्जिद जाने वा एकैपटक कार्यालय प्रवेश गर्ने बारे तय भइनसकेको हो ।

मुख्यमन्त्री राउतले भोली नै सानो आकारको मन्त्रिमण्डल गठन गर्ने तयारी गरेका छन् ।

राजपाका जितेन्द्र सोनल र शैलेन्द साह तथा फोरमका विजय यादवलाई समावेश गरेर मन्त्रीमण्डल गठनको तयारी गरेका हुन् ।
शपथ समारोहमा उपेन्द्र यादव सहित राजपाका नेताहरु समेत सहभागी हुने जनाइएको छ ।

समाचार साभार : लोकान्तर, अजय अनुरागी