बलिदानी दिवसमा कामना नर्सिङग होमद्धारा रक्तदान

न्यूज ब्यूरो, सिरहा । मधेश आन्दोलनको क्रममा शहादत दिएका शहिदहरुको सम्झनामा मनाइने बलिदानी दिवसको अवसरमा रक्तदान कार्यक्रम गरिएको छ ।

प्रदेश नं. २ को सिरहा जिल्लाको लहान स्थित बलिदानी दिवसको अवसरमा रक्तदान कार्यक्रम गरिएको हो । आईतबार विहान १० बजेदेखि सुरु भएको रक्तदान कार्यक्रम दिउँसो १ बजेसम्म चलेको थियो ।

लहान नगरपालिकाको बजार स्थित कामना नर्सिङ होमद्धारा रक्तदान कार्यक्रम गरिएको हो । अस्पतालका साथै, आम नागरिकको चासो साथै समाजीक कार्यमा समेत सक्रिय रहेको कामना नर्सिँग होमले शहिदहरुको सम्झनामा रक्तदान कार्यक्रम गरेको हो ।

रक्तदान जीवनदान मूल नाराका साथ कामना नर्सिँग होमले आयोजना गरेको सो कार्यक्रममा करिब ३ दर्जन व्यक्तिले रक्तदान गरेको कामना नर्सिङ होमका संचालक रोशन कुशवाहाले बताए ।