प्रदेश २ः ९ लाख ३९ हजार सहित दुई जना पक्राउ

न्यूज ब्यूरो, सिरहा । प्रदेश २ को सिरहा जिल्लाबाट प्रहरीले ९ लाख बढी अवैद्य रकम सहित दुई जनालाई पक्राउ गरेको छ ।

बुधबार सिरहा जिल्लाको बरियारपट्टि कचनारी स्थितबाट प्रहरी चौकी कचनारीको प्रहरी टोलीले ९ लाख ३९ हजार ९ सय १५ रुपैयाँ सहित दुई जनालाई पक्राउ गरेको हो ।

भारतबाट नेपाल तर्फ आउदै गरेको स ८ प ९६१४ नम्बरको मोटरसाईकललाई रोकर चेकजाँच गर्ने क्रममा स्रोत नखुलेको सो रकम सहित मोटरसाईकल चालक जिल्ला सिरहा बरियारपट्टि गाउँपालिका वडा नं. २ खोक्सी वस्ने वर्ष ४० को मोहमद सगिर मियाँ र पछाडि सवार वर्ष २४ को मेहदि मंसुरलाई पक्राउ गरिएको हो ।

दुवै जनालाई ईलाका प्रहरी कार्यालय महशपुरपतारमा ल्याएर आवश्यक अनुसन्धान गरिरहेको जनाइएको छ ।