बसमै युवक मृत भेटिए

न्यूज ब्यूरो, विराटनगर । विराटनगर बसपार्कमा रोकिएको एक सार्वजनिक बसमा युवक मृत भेटिएका छन् ।

विराटनगर स्थित बसपार्कमै रोकी राखिएको जनसेवा यातायातमा युवक मृत फेला परेको छ । झापाको केर्खाबाट विराटनगर आएका सो युवाको गाडीमै मृत्यु भएको प्रहरीले जनाएको छ ।

प्रहरीका अनुसार झापाको केर्खा घर भएका २६ वर्षीय युवक राजकुमार थापा किडनी को बिरामी रहेको थियो । बिहान केर्साबाट मे १ ख ३३३३ नम्बरको जनसेवा यातायात प्रा।लि।को बसमा चढेर आएका उनी विराटनगर बसपार्कमा झर्ने बेलामा मृत अवस्था फेला परेको प्रहरीले जानकारी दिए ।

सीटमै मृत अवस्थामा फेला परेका उनी अन्य समयमा समेत आउजाउ गरिने यात्रु रहेको जनाएको छ । प्रहरीले घटनाको विषयमा थप अनुसन्धान गरिरहेको छ ।