काँग्रेसले अब कम्यूनिष्टलाई जरैदेखि उखेलेर फाल्छ : पूर्व साँसद लामा

न्यूज ब्यूरो, जनकपुरधाम । संसद विघटनको विरोधमा नेपाली कांग्रेसले देशभर प्रदर्शन गरेको छ । सो प्रदर्शनको क्रममा धनुषाबाट पूर्व साँसद पुष्पलत्ता लामाले काँग्रेले अब कम्यूनिष्टलाई जरैदेखि उखेलेर फाल्ने बताएकी छन् ।

धनुषा निर्वाचन क्षेत्र १ प्रदेश ख को आयोजनामा धनुषाको बेल्हीमा भएको बिरोध कार्यक्रममा पूर्व साँसद लामाले देशमा अब कम्युनिष्टलाई जरै देखि उखेलेर फाल्ने समय आएको बताएकी हुन् ।

कार्यक्रमको अध्यक्षता प्रदेश ख सभापति ऋषिकेश लामाको अध्यक्षता तथा पूर्वसाँसद लामाको प्रमुख आतिथ्यमा भएको विरोध कार्यक्रममा उनले कम्यूनिष्ट लोभी, पदलोभी मात्र भएर जनताको लागि केही नसोचेको भन्दै अब काँग्रेस नेतृत्व गर्ने बताइन् ।

अध्यक्षता गर्दै सभापति लामाले देशमा अब काँग्रेसलाई समयमा देश बचाउन अगाडि बढने खाँचो देखिएको बताए । “हामी हरेक हिसाबले काँग्रेस अगाडि बढि सकेका छौ।” उनले भने ।

कार्यक्रममा धनुषाधाम नगरपालिका मेयर बालेश्वर मण्डलले केपी ओलिले कानुन विपिरित गरेका कारण नेपालि कांग्रेस बिरोध गरेको बताए । नेपाली काँग्रेस बिधान बमोजिम हिन्ने पार्टि रहेको भनाई उनको थियो ।

संसद विघटनको विरोधमा नेपाली कांग्रेसले देशभर प्रदर्शन गरेको छ । संसद विघटनलाई असंवैधानिक भनेको उसले देशभरका ३३० वटा निर्वाचन क्षेत्रमा विरोध कार्यक्रम गरेको हो ।

कार्यक्रममा धनुषाधाम नगरपालिका मेयर एवं जिल्ला सदस्य बालेश्वर मण्डल, महासमिति सदस्य श्याम महतो , श्याम लाल महतो,अशेश्वर महतो,प्रदिप यादव ,पुर्व जिल्ला सचिव राजकिशोर सिहं,तरुण दल ,नेबि संघ नेता शंकर प्रसाद यादव लगायत को नेताहरुको उपस्थिति रहेका थिए ।